ကိုရီးယား အမျိုးသမီးများ အမေရိကန်အမျိုးသားများနှင့် လက်ထပ်ကြသည်မှာ အများဆုံးဖြစ်
၂၀၂၃ ခုနှစ်တွင် ကိုရီးယားအမျိုးသားနှင့် ဂျပန်အမျိုးသမီး ထိမ်းမြားလက်ထပ်မှု သိသိသာသာ တိုးလာကြောင်း အင်္ဂါနေ့ (မတ် ၂၆)တွင် ကိုရီးယားစာရင်းအင်းဌာနမှ ထုတ်ပြန်သည့် ၂၀၂၃ အိမ်ထောင်ပြုခြင်းနှင့် ကွာရှင်းမှု စာရင်းအရ သိရသည်။
၂၀၂၂ ခုနှစ်တွင် ကိုရီးယားအမျိုးသားနှင့် ဂျပန်အမျိုးသမီး ထိမ်းမြားလက်ထပ်မှု ၅၉၉ ခု ရှိခဲ့ပြီး ၂၀၂၃ ခုနှစ်တွင် ၈၄၀ ခု ရှိခဲ့သည်။ သို့ဖြစ်ရာ ၄၀.၂% တိုးလာခဲ့သည်။
ကိုရီးယား အမျိုးသားနှင့် ဂျပန် အမျိုးသမီး စုံတွဲကို တင်ဆက်ထားသည့် Chae Jong Hyeop ပါဝင် သရုပ်ဆောင်ထားေသာ ဇာတ်လမ်းတွဲ "Eye Love You" ရေပန်းစားသည်။ ၎င်းဇာတ်လမ်းတွဲ အရှိန်အဝါကြောင့် ကိုရီးယားအမျိုးသားနှင့် ဂျပန်အမျိုးသမီး ထိမ်းမြားလက်ထပ်မှုများ ရှိစေခဲ့သည်။
Netflix Japan တွင် ၅ ပတ်တိုင်တိုင် အကြည့်အများဆုံး ထိပ်တန်း (၁၀) စာရင်းဝင်ခဲ့သည်။
၂၀၂၃ ခုနှစ်တွင် နိုင်ငံသား မဟုတ်သူနှင့် လက်ထပ်ခြင်း ၁၉,၇၀၀ ခု ရှိခဲ့သည်။
နိုင်ငံသား မဟုတ်သူနှင့် လက်ထပ်ခြင်းများတွင် ကိုရီးယားအမျိုးသားများနှင့် ဗီယက်နမ်အမျိုးသမီးများ လက်ထပ်ခြင်းသည် အများဆုံးဖြစ်သည်။
ဂျပန်အမျိုးသားများနှင့် လက်ထပ်သော ကိုရီးယားအမျိုးသမီး အရေအတွက်မှာ ထိပ်တန်း (၁၀) စာရင်းတွင် သတ္တမ အများဆုံး ဖြစ်သည်။ ၂၀၂၁ ခုနှစ်တွင် ၁၄၀၊ ၂၀၂၂ ခုနှစ်တွင် ၁၂၅၊ ၂၀၂၃ ခုနှစ်တွင် ၁၄၃ ခု ရှိခဲ့သည်။
ကိုရီးယား အမျိုးသမီးများသည် ကိုရီးယားမဟုတ်သော အမျိုးသားများထဲတွင် အမေရိကန်အမျိုးသားများနှင့် လက်ထပ်ကြသည်မှာ အများဆုံးဖြစ်ပြီး တရုတ်အမျိုးသား ဒုတိယ အများဆုံး ဖြစ်သည်။ တတိယအများဆုံးမှာ ဗီယက်နမ်အမျိုးသားများ ဖြစ်သည်။ ၎င်းနောက်တွင် ကနေဒါ၊ ဩစတြေးလျနှင့် ဗြိတိန်တို့ အစဉ်အတိုင်း ရှိနေသည်။
Source koreatimes
Comments
Post a Comment