GuideInfo4U

  မြန်မာနိုင်ငံ၏ ပြည်တွင်း ဆက်သွယ်ရေးအော်ပရေတာ ဖြစ်သည့် MPT သည် “ အတူလက်တွဲ အမြဲရှိမည် MPT ”ဟူသည့် ကတိကဝတ်နှင့်အညီ နိုင်ငံတစ်ဝန်းရှိ ပြည်သူများ ကျန်းမာရေးဗဟုသုတ ပိုမိုရရှိစေရေးအတွက် အခမဲ့ကျန်းမာရေးပညာရေးရုပ်သံ အစီအစဉ်ကိုဆောင်ရွက်နေကာ ယခုလည်း ကမ္ဘာ့သိုင်းရွိုက်ရောဂါနေ့အထိ မ်းအမှတ် အဖြစ် နား၊ နှာခေါင်း၊ လည်ချောင်း၊ ဦးခေါင်းနှင့်လည်ပင်း ခွဲစိတ်ပါရဂူ ဆရာဝန်ကြီး ဒေါက်တာအောင်ထက်ထွန်း ၏ " သိုင်းရွိုက်အကျိတ်ရောဂါအကြော င်း သိကောင်းစရာ ” ကျန်းမာရေး ဗဟုသုတ ဟောပြောပွဲကို မေလ ၂၂ ရက်က အာယုအင်တာနေရှင်နယ်ဆေးရုံကြီး၌ ကျင်းပခဲ့ပါသည်။ အဆိုပါ ဟောပြောပွဲတွင် သိုင်းရွိုက်အကျိတ်အမျိုးအစား၊ ရောဂါရှာဖွေသည့်နည်းလမ်းတို့အပြ င် သိုင်းရွိုက်အကျိတ် နှင့် ပတ်သက်ပြီး ကုသပုံနည်းလမ်းအဆင့်ဆင့်ကို နိုင်ငံတကာတွင်ကျင့်သုံးနေသည့် နည်းစနစ်များနှင့် မည်သို့ စမ်းသပ် စစ်ဆေးကုသဆောင်ရွက်သည်ကို  အသေးစိတ် ရှင်းလင်း ပြောကြားပေးခဲ့ပါသည်။ ထို့အပြင် သိုင်းရွိုက် အကျိတ်ရောဂါဖြစ်စဥ်များ နှင့် ပတ်သက်ပြီး အခမ်းအနားတက်ရောက်လာသူများ၏ မေးခွန်းများကိုလည်း ဒေါက်တာအောင်ထက်ထွန်းက ပြန်လည်ဖြေကြားပေးခဲ့ပါသည်။ အဆိုပါဆွေးနွေးပွဲ ရုပ်သံဗွီဒီယိ...

 တောင်ကိုရီးယားသည် တက္ကသိုလ်များ၏ ဝင်ခွင့် တိုးမြှင့်မည့် အစီအစဉ်များကို အတည်ပြု‌ခြင်းဖြင့် ၂၀၂၅ ခုနှစ် ဆေးကျောင်း ဝင်ခွင့်ရသူအရေအတွက် တိုးမြှင့်မည့် အစီအစဉ်ကို အကောင်အထည်ဖော်ရန် ခြေလှမ်းတလှမ်း လှမ်းလိုက်သည်။ ၂၀၂၅ ပညာသင်နှစ်အတွက် တက္ကသိုလ်တစ်ခုစီ၏ ဆေးကျောင်းဝင်ခွင့်ခွဲတမ်း မည်မျှတိုးမြှင့်မည်ကို ပြန်လည်သုံးသပ်ရန် တက္ကသိုလ်ဝင်ခွင့်ကော်မတီ အစည်းအဝေးကို ကိုရီးယား တက္ကသိုလ်ပညာရေး ကောင်စီက သောကြာနေ့ (မေ ၂၄)တွင် ကျင်းပခဲ့သည်။ ပညာရေးဝန်ကြီးဌာနအဆိုအရ တစ်နိုင်ငံလုံးရှိ ဆေးကျောင်း ၄၀ အတွက် ဝင်ခွင့်ဦးရေသည် ၄၅၆၇ ဦးသို့ တိုးမည်ဖြစ်သည်။ Jeju University တွင် ဆေးကျောင်း တည်ထောင်ပြီး‌ နောက်ပိုင်း ၂၇ နှစ်အတွင်း ပထမဆုံး ဆေးကျောင်းဝင်ခွင့် ခွဲတမ်းတိုးခြင်း ဖြစ်သည်။ ၂၀၀၆ မှစ၍ တနှစ်လျှင် ၃,၀၅၈ ဦး လက်ခံခဲ့သည်။  အစိုးရက ဝင်ခွင့်တိုးမြှင့်မှု အစီအစဉ်ကို ဖေဖော်ဝါရီ လဆန်းပိုင်းတွင် ကြေညာပြီးကတည်းက စ၍ ဆန့်ကျင်ကန့်ကွက်ခဲ့ကြရာ အငယ်တန်းဆရာဝန်များ အလုပ်မဆင်းကြတော့သဖြင့် ကျန်းမာရေးစောင့်ရှောက်မှု ပြတ်လပ်သည့်ဒဏ်ကို ရင်ဆိုင်နေရဆဲ ဖြစ်သည်။    သင်တန်းသားဆရာဝန် ၉၀ ရာခိုင်နှုန်းကျော်သည် ဆေးရုံများမှ နုတ်ထ...

 တရုတ် အီးကောမတ်စ် ကုမ္ပဏီကြီး AliExpress နှင့် Shein တို့သည် ခွင့်ပြုထားသည့်ပမာဏထက် ကျော်လွန်နေသည့် အဆိပ်သင့်သတ္တုများ ပါဝင်သည့် ကလေးအသုံးအဆောင်ပစ္စည်းများကို ရောင်းချကြောင်း ဆိုးလ်မြို့တော်အစိုးရက မေ ၂၃ ရက်တွင် ကြေညာခဲ့သည်။ AliExpress နှင့် Shein တွင် ရောင်းချသည့် ကလေးသုံးပစ္စည်း ၇ မျိုးကို Korea Conformity Laboratories မှ ဓာတ်ခွဲစစ်ဆေးမှုအရ Shein မှာ ရောင်းသည့် ကလေးလက်ပတ်နာရီတွင် ခဲပါဝင်မှုသည် ခွင့်ပြုချက်ထက် ၂၇၈ ဆ၊ ခရီုမီယမ် ပါဝင်မှုသည် ခွင့်ပြုချက်ထက် ၃ ဒသမ ၄ ဆ ပိုများနေသည်။  AliExpress မှ ကလေးလည်ဆွဲတွင် ခဲပါဝင်မှုသည် ခွင့်ပြုချက်ထက် ၁ ဒသမ ၂ ဆ ပိုများသည်။  ခဲဓာတ်ပါဝင်မှု မြင့်မားခြင်းသည် မျိုးပွားမှုစနစ်ကို နှောင့်ယှက်နိုင်ပြီး ကင်ဆာအန္တရာယ်ကို တိုးလာစေနိုင်သည်။ Chromium သည် အရေပြားဆိုင်ရာ အဆိပ်အတောက်များနှင့် အသက်ရှူလမ်းကြောင်းဆိုင်ရာ ယားယံခြင်းတို့ ဖြစ်ပွားစေပါသည်။ Source straitstimes  #HealthIndustryGuide 

(၁) တောင်ကိုရီးယားသည် ကလေး တ‌ယောက် ယူလိုက်တိုင်း ဝမ် သန်း ၁၀၀ ($112,000) ငွေသားဆုကို က‌လေးမိဘထံ ပေးအပ်ခြင်းဖြင့် အာရှတွင် ကလေးယူ ဆုကြေး အများဆုံးပေးသည့် နိုင်ငံ ဖြစ်လာနိုင်သည်။ ကလေးယူ ဆုကြေးအစီအစဉ်အတွက် တနှစ်လျှင် ဝမ် ၂၃ ထရီလီယံ (ကန်ဒေါ်လာ ၂၆ သန်း) သုံးစွဲရန် အဆိုပြုထားသည်။ တောင်ကိုရီးယားတွင် လူဦးရေ ကျဆင်းနေသဖြင့် ကလေးမွေးနှုန်း နည်းခြင်းသည် တဦးတယောက်၏ တကိုယ်ရေ မျိုးပွားနှုန်းပြဿနာ မဟုတ်တော့ဘဲ အစိုးရနှင့် ပုဂ္ဂလိကကဏ္ဍ ပူးပေါင်းပြီး ဖြေရှင်းရမည့် ကိစ္စရပ် ဖြစ်လာသည်။ နိုင်ငံ၏ အဓိကနိုင်ငံရေးပါတီများသည် လူငယ်မိသားစုများအတွက် ဘဝပိုမိုလွယ်ကူလာစေရန် ကြိုးပမ်းရာတွင် အိမ်ရာနှင့် အတိုးနည်း အိမ်ရာချေးငွေ ပိုမိုရရှိရန် လုပ်ဆောင်မည်ဟု ကတိပြုပြီး မဲဆွယ်ခဲ့ကြသည်။ ထိုသို့ လုပ်ဆောင်ပေးခြင်းဖြင့် ကလေးယူဖြစ်ကြပြီး လူဦးရေ ကျဆင်းနေခြင်းကို ဖြေရှင်းပေးနိုင်မည်ဟု ယူဆကြသည်။ ၀.၅၅ မွေးဖွားနှုန်းသာ ရှိသည့် ဆိုးလ်မြို့တော်သည် နိုင်ငံအတွင်း အနည်းဆုံးဖြစ်သည်။ ၂၀၂၅ ခုနှစ်မှစ၍ အိမ်ရာ မပိုင်ဆိုင်သည့် လင်မယားဖြစ်ပြီးမွေးကင်းစ ကလေးငယ် ရှိပါက ဆိုးလ်မြို့တော်အစိုးရက ထောက်ပံ့ကြေး ပေးအပ်မည်။ က‌လေး အသက် ၂ နှစ်ပြည့်သည်အထိ မိဘ...

 ထိုင်းနိုင်ငံမှ ကျန်းမာရေးဝန်ဆောင်မှု လုပ်ငန်းစု Thonburi Healthcare Group Plc (THG) သည် မြန်မာနိုင်ငံတွင် ဆေးရုံအသစ်တခု ထားရှိရန် စီစဉ်နေသည်။ ဘတ်နှင့်ကျပ် ငွေလဲနှုန်းတွင် ဘတ်ငွေ တန်ဖိုး သိသိသာသာ မြင့်တက်လာခြင်းကြောင့် လူနာအများအပြား ထိုင်းနိုင်ငံသို့ သွားရောက်၍ ဆေးကုသမှုခံယူခြင်း မပြုတော့ဘဲ ရန်ကုန်မှာသာ ကုသကြသဖြင့် ကုမ္ပဏီသည် မြန်မာနိုင်ငံတွင် ကုသမှု ခံယူသည့် လူနာ အရေအတွက် ပိုများလာနေသည်ကို ဖြည့်ဆည်းရန် ဆေးရုံ ကုတင်အရေအတွက် တိုးမြှင့်လိုသည်ဟု အမှုဆောင်အရာရှိချုပ် ဒေါက်တာ Tanatip Suppradit က ပြောသည်။ THG သည် ရန်ကုန်မြို့ရှိ ၎င်း၏ ၉၇ ကုတင်ဆံ့ အာယု အပြည်ပြည်ဆိုင်ရာ ဆေးရုံတွင် ဆေးဘက်ဆိုင်ရာ ဝန်ဆောင်မှုများ လိုအပ်ချက် တိုးလာခြင်းကြောင့် လူနာ ပိုများများ ဆေးရုံတက်နိုင်ရေးအတွက် တိုးချဲ့ရန် စီစဉ်နေပြီး ဆေးရုံအသစ်တခု ထားရှိမည် ဖြစ်သည်။ "မန္တလေးမှာ ဆေးရုံသစ်တည်ဆောက်ဖို့ ဖြစ်နိုင်ခြေ လေ့လာမှုတွေ လုပ်နေပါတယ်"ဟု Dr Tanatip က ပြောကြားသည်။ Source Bangkokpost  #HealthIndustryGuide 

 စင်ကာပူမှာ COVID-19 ဖြစ်ပွားမှု မြင့်တက်နေသဖြင့် test kit များ ဝယ်လိုအား ခုန်တက်သွားခဲ့ပြီး အချို့ဆိုင်များတွင် ပစ္စည်းပြတ်နေပါသည်။   စင်ကာပူ၏အကြီးဆုံးစူပါမားကတ်များ လုပ်ငန်းကြီး FairPrice သည် လွန်ခဲ့သည့်ရက်သတ္တပတ်အတွင်း antigen rapid test (ART) kits နှင့် masks များအတွက် ၀ယ်လိုအား နှစ်ဆနီးပါးတိုးလာသည်ကို ကြုံရသည်။ စင်ကာပူတွင် COVID-19 လှိုင်းထနေပြီး တစ်ပတ်ထက်တစ်ပတ် ကူးစက်ခံရသူ နှစ်ဆတိုးလာပါသည်။ မေလ ၅ ရက်မှ ၁၁ ရက်အထိ ရက်သတ္တပတ်အတွင်း COVID-19 ကူးစက်မှု ခန့်မှန်းခြေ ဦးရေ ၂၅,၉၀၀ အထိ မြင့်တက်လာသည်။ ယခင်အပတ်က ၁၃,၇၀၀ ဦး ရှိခဲ့သဖြင့် ၉၀% ပိုများလာခြင်း ဖြစ်သည်။ ပျမ်းမျှ နေ့စဉ်‌ဆေးရုံတင်ရသည့်ဦးရေ ယခင်အပတ်က ၁၈၂ဦး ရှိခဲ့ရာမှ ၂၅၀ ဦးသို့ မြင့်တက်လာသည်။ ကူးစက်မှုများတွင် သုံးပုံနှစ်ပုံသည် KP.1 နှင့် KP.2 ဗိုင်းရပ်စ်မျိုးကွဲများ ဖြစ်သည်။ KP.1 နှင့် KP.2 သည် အခြားပျံ့နှံ့နေသောမျိုးကွဲများထက် ပိုမိုကူးစက်နိုင်ခြင်း၊ ပိုမိုပြင်းထန်ခြင်း လက္ခဏာများ မရှိကြောင်း ကျန်းမာရေးဝန်ကြီးဌာနက မေ ၁၈ ရက်တွင် ပြောကြားသည်။ Source cna #HealthIndustryGuide 

 တောင်ကိုရီးယားနိုင်ငံ ဆိုးလ်မြို့ရှိ အယူခံတရားရုံးတစ်ခုက ဆေးကျောင်းဝင်ခွင့် ခွဲတမ်းကို လာမည့်နှစ်အတွက် ၂,၀၀၀ အထိ တိုးပေးမည့် အစိုးရ၏ အစီအစဉ်ကို တားမြစ်ပေးရန် ဆေးဘက်ဆိုင်ရာအသိုင်းအဝိုင်းမှ တင်သွင်းသည့် လျှောက်လဲချက်ကို ပယ်ချလိုက်သည်။ ဆေးကျောင်းမှ ပါမောက္ခများ၊ အလုပ်သင်ဆရာဝန်များ၊ ဆေးကျောင်းသားများနှင့် ဆေးကျောင်းဝင်ခွင့် စာမေးပွဲ ဖြေဆိုရန် ပြင်ဆင်နေသူများ အပါအဝင် ရှစ်ဦးတို့က ကျန်းမာရေးနှင့် လူမှုဖူလုံရေး ဝန်ကြီးဌာနနှင့် ပညာရေးဝန်ကြီးဌာနတို့ကို တရားဥပဒေအရ ဆောင်ရွက်ခဲ့ကြသည်။ အဆိုပြုထားသော ဆေးကျောင်းဝင်ခွင့် ခွဲတမ်းကို တိုးမြှင့်ခြင်းအား တားမြစ်ပေးရန် လျှောက်လဲချက် ပေးခဲ့ကြသည်။ တရားရုံးက ၎င်း လျှောက်လဲချက်ကို ပယ်ချခဲ့သည်။ တိုးမြှင့်ထားသော ဆေးကျောင်းခွဲတမ်းကို ဆိုင်းငံ့လိုက်ခြင်းသည် မရှိမဖြစ်လိုအပ်သော ဆေးဘက်ဆိုင်ရာဝန်ထမ်း ခေါ်ယူမှုကို ဟန့်တားခြင်းဖြင့် ပြည်သူ့ကျန်းမာရေးကို သိသိသာသာ ထိခိုက်စေမည်ကို စိုးရိမ်ကြောင်း ပြောကြားသည်။ ထို့ပြင် ပါမောက္ခများ၊ အလုပ်သင်ဆရာဝန်များနှင့် စစ်ဆေးမှုများသည် ခွဲတမ်းတိုးသည့်အစီအစဉ်နှင့် တိုက်ရိုက်သက်ဆိုင်ခြင်း မရှိသောကြောင့် တားမြစ်ပေးရန် လျှောက်လဲချက် ပေး...

 (၁) အိန္ဒိယဟင်းခတ်အမွှေးအကြိုင်များ ထုတ်လုပ်သည့် MDH နှင့် Everest တို့သည် ကမ္ဘာ့နေရာအနှံ့ မီးဖိုချောင်များတွင် သုံးစွဲနေကြပြီး အသား၊ ငါး၊ ဟင်းသီးဟင်းရွက် ဟင်းလျာများတွင် မပါမဖြစ် ထည့်သုံးကြသည်။ ဟောင်ကောင်တွင် ၎င်းထုတ်လုပ်သည့် မဆလာတွင် ကင်ဆာဖြစ်ပွားနိုင်သည့် ပိုးသတ်ဆေး ပါဝင်နေကြောင်း တွေ့ရှိခဲ့ပြီးနောက် စင်ကာပူ၊ အမေရိကန်၊ မော်လ်ဒိုက်၊ အိန္ဒိယနှင့် သြစတြေးလျတို့တွင်လည်း စစ်ဆေးမှုများ ဆောင်ရွက်ခဲ့ကြသည်။ ကုမ္ပဏီနှစ်ခုစလုံးက ၎င်းတို့၏ ထုတ်ကုန်များသည် ဘေးကင်းသည်ဟု ဆိုကြသည်။ ယခင်တင်ပြချက် https://t.me/Guid4U/18072 (၂) MAHASHIAN DI HATTI ကို MDH ဟု လူသိများသည်။ • နယူးဒေလီအခြေစိုက် MDH သည် ၁၉၁၉ ခုနှစ်တွင် စတင်ခဲ့ပြီး မိသားစုလုပ်ငန်းတစ်ခုအဖြစ် စတင်ခဲ့သည်။ • စက်ဘီး လက်ကိုင်ဘားပုံသဏ္ဌာန် နှုတ်ခမ်းမွေးနှင့် ဦးပေါင်းထုပ်နီနီဖြင့် တည်ထောင်သူ Dharampal Gulati ပုံပါသော ကြော်ငြာများနှင့် ထုပ်ပိုးပစ္စည်းတို့ ရေပန်းစားသည်။ • Gulati ကို "ဟင်းခတ်အမွှေးအကြိုင်ဘုရင်"ဟု ခေါ်ဝေါ်ကြသည်။ ၂၀၂၀ ပြည့်နှစ်တွင် Gulati ကွယ်လွန်ခဲ့သည်။ • MDH ၏ ဝဘ်ဆိုဒ်တွင် ထုတ်ကုန် ၆၂ ခု ရှိသည်ဟု ဆိုသည်။ အမှုန့်ကြိတ်ပြီးသား ...

ဦးနှောက်နှင့် ကွန်ပျူတာကို အချိတ်အဆက်ပြုရန် ကြားခံ ဖြစ်သည့် brain-computer interface BCI ကို အသက် ၂၉ နှစ်အရွယ် လူနာ Noland Arbaugh ၏ ဦးနှောက်တွင် ၂၀၂၄ ဇန်နဝါရီလတွင် Neuralink ကုမ္ပဏီက တပ်ဆင်ပေးခဲ့သည်။ Arbaugh သည် လွန်ခဲ့သည့် ရှစ်နှစ်ခန့်က ရေငုပ်ရာမှ မတော်တဆ ဖြစ်ပွားခဲ့ပြီး ပခုံးအောက် အောက်ပိုင်းသေသွားသူဖြစ်သည်။ သူက မိမိဆန္ဒအလျောက် စမ်းသပ်ခံအဖြစ် ပါဝင်ခဲ့သည်။ BCI မှ ချစ်ပ်ပြားသည် သွက်ချာပါဒ ဝေဒနာရှင်များအား ၎င်းတို့၏ စိတ်အ‌တွေးကိုသာ အသုံးပြု၍ ပြင်ပနည်းပညာကို ထိန်းချုပ်နိုင်ရန် ဒီဇိုင်းထုတ်ထားသည်။ BCI တွင် လျှပ်ခေါင်း ၁,၀၂၄ ခုနှင့် နန်းမျှင် ၆၄ ခု ပါသည်။ နန်းမျှင် အရွယ်အစားသည် လူ့ဆံခြည်မျှင်ထက် ပိုသေးသည်။  BCI မှ လျှပ်ခေါင်းများနှင့် နန်းမျှင်များသည် ဦးနှောက်၏ အာရုံကြောဆိုင်ရာ လှုပ်ရှားမှုနှင့် လုပ်ကိုင်မှုဆိုင်ရာ အချက်အလက်များကို လိုက်လံရယူပြီး ကုမ္ပဏီ၏ ကွန်ပျူတာသို့ ပေးပို့ရန် ပရိုဂရမ်ရေးဆွဲထားသည်။ ရရှိလာသော အတွေးများ၏ အချက်အလက်များကို လုပ်ဆောင်ချက်အဖြစ်သို့ ပြောင်းလဲရန် ကွန်ပျူတာက လုပ်ကိုင်ပေးသည်။ Arbaugh ၏ ဦးနှောက်တွင် BCI ကို ရိုဘော့လက်တံဖြင့် ခွဲစိတ် တပ်ဆင်ပေးခဲ့သည်။ ဧပြီလတွင် ...

ဂျပန်အစိုးရသည် ကန်ဒေါ်လာ ၂ ဘီလီယံနီးပါး တန်ဖိုးရှိသည့် COVID-19 သောက်ဆေးများကို ဖျက်ဆီးပစ်မည် ဖြစ်သည်။ ကိုရိုနာဗိုင်းရပ်ကူးစက်ပျံ့နှံ့မှုအတွင်း လူဦးရေ ၅.၆ သန်းအတွက် ဝယ်ယူထားသော COVID-19 သောက်ဆေးများတွင် လူဦးရေ ၄.၃ သန်းအတွက် ၇၇ ရာခိုင်နှုန်း လက်ကျန် ကျန်ရှိနေသည်။ ကိုဗစ်ကို ရာသီတုပ်ကွေးအဖြစ် ယမန်နှစ် မေလမှစ၍ သတ်မှတ်လိုက်ပြီ ဖြစ်သဖြင့် ၎င်းသောက်ဆေးများ အသုံးမလိုတော့ချေ။ ၎င်းဆေးဝါးများ သက်တမ်းကုန်ဆုံးသည့်အခါ ဖျက်ဆီးပစ်ရမည် ဖြစ်ပြီး တန်ဖိုးစုစုပေါင်းမှာ ယန်း ၃၀၀ ဘီလီယံ (ကန်ဒေါ်လာ ၁.၉၃ ဘီလီယံ) ရှိသည်။ • Shionogi & Co မှ ထုတ်လုပ်သည့် Xocova ဆေးပြား • Merck & Co မှ ထုတ်လုပ်သော Lagevrio ဆေးတောင့်များ • Pfizer Inc. မှ ထုတ်လုပ်သော Paxlovid ဆေးလုံးများ ပါဝင်သည်။ ဂျပန်အစိုးရသည်  • Xocova ကို လူနာ ၂ သန်းအတွက်လည်းကောင်း • Lagevrio ကို လူနာ ၁.၆ သန်းအတွက်လည်းကောင်း • Paxlovid ကို လူနာ ၂ သန်းအတွက်လည်းကောင်း ဝယ်ယူခဲ့သည်။ မတ်လကုန် လက်ကျန်စာရင်းမှာ • Xocova လူနာ ၁.၇၇ သန်းအတွက် လည်းကောင်း • Lagevrio လူနာ ၇၈၀,၀၀၀ အတွက်လည်းကောင်း • Paxlovid လူနာ ၁.၇၅ သန်းအတွက်လည်းကောင်း ကျန်ရှိသည်။ လူနာတဦးအတွက် က...

 ထိုင်းနိုင်ငံသည် ၂၀၂၂ ခုနှစ်တွင် ဆေးခြောက်ကို ပြစ်မှုမ‌မြောက် တရားဝင်ခွင့်ပြုသည့် အာရှပထမဆုံးနိုင်ငံ ဖြစ်လာခဲ့သည်။ ဆေးဘက်ဆိုင်ရာ အသုံးပြုခြင်းအတွက် ရည်ရွယ်သော်လည်း ဥပဒေ ပြည့်ပြည့်စုံစုံ မရှိသဖြင့် အပန်းဖြေရန် သုံးစွဲခြင်း တဟုန်ထိုး များပြားသွားသည်။  ဆေးခြောက် ရနိုင်သည့် ပြည်တွင်းလက်လီဈေးကွက် အရှိန်အဟုန်ဖြင့် ကြီးထွားလာခဲ့ရာ လွန်ခဲ့သည့် ၂ နှစ်အတွင်း ထောင်နှင့်ချီသော ဆိုင်များနှင့် စီးပွားရေးလုပ်ငန်းများ ပေါ်ပေါက်လာခဲ့သည်။ ဆေးခြောက်လုပ်ငန်းကဏ္ဍသည် ၂၀၂၅ တွင်တန်ဖိုး ကန်ဒေါ်လာ ၁.၂ ဘီလီယံ ရှိမည်ဟု ခန့်မှန်းထားသည်။ ၀န်ကြီးချုပ် ဆာရက်သာ သာဝီဆင်က ဆေးခြောက်ကို ၂၀၂၄ နှစ်ကုန်တွင် မူးယစ်ဆေးဝါးအဖြစ် စာရင်းသွင်းမည်ဟု ပြောကြားသည်။ ပြည်သူ့ကျန်းမာရေးဝန်ကြီးဌာနက ဆေးဘက်ဆိုင်ရာနှင့် ကျန်းမာရေးအတွက်သာ သုံးစွဲရန် ခွင့်ပြုသည့် စည်းမျဉ်း ထုတ်ပြန်စေလိုကြောင်း ၎င်းက ပြောကြားသည်။  စည်းမျဉ်းများကို ပြောင်းပြန်လှန်လိုက်ခြင်းသည် စီးပွားရေးအတွက် ဆိုးရွားသည့် လုပ်ဆောင်ချက်ဖြစ်ပြီး အသေးစားစီးပွားရေးလုပ်ငန်းနှင့် စားသုံးသူများအတွက် ကြီးမားသော ထိုးနှက်ချက်တစ်ခုဖြစ်သည်ဟု Cannabis Future Network ၏ အထွေထွေအတ...

 ဆေးဝါးကုမ္ပဏီကြီး AstraZeneca ၏ COVID-19 ကာကွယ်ဆေးသည် TSS ဟုခေါ်သော ရှားရှားပါးပါး ဖြစ်ခဲလွန်းသော်လည်း အန္တရာယ်ရှိသော ဘေးထွက်ဆိုးကျိုးကို ဖြစ်စေနိုင်ကြောင်း ကုမ္ပဏီမှ ပထမဆုံးအကြိမ် ဝန်ခံပြီးနောက် ကမ္ဘာတစ်ဝှမ်းမှ ပြန်ရုပ်သိမ်းလိုက်ပါသည်။ ၎င်းကာကွယ်ဆေးကို ထုတ်လုပ်ခြင်း၊ ပေးသွင်းခြင်း မပြုတော့ပါ။ TSS Thrombosis with Thrombocytopenia Syndrome သည် သွေးခဲခြင်းနှင့် သွေးဥ အရေအတွက် နည်းခြင်းတို့ ဖြစ်စေနိုင်သည်။  “ချစ်ခင်ရသူတွေကို ဆုံးရှုံးခဲ့ရသူတိုင်း၊ ကျန်းမာရေးပြဿနာတွေ ဖြစ်ပွားတဲ့သူတိုင်းကို ကျွန်ုပ်တို့ ကိုယ်ချင်းစာပါတယ်" ဟု AstraZeneca မှ ပြောရေးဆိုခွင့်ရှိသူက ပြောကြားပါသည်။ Source AFP #HealthIndustryG uide 

 Sony သည် အင်္ကျီနောက်ဘက်ထဲတွင် ထားနိုင်သည့် Reon Pocket 5 အပူအအေးပေးစက်ကို $170 ဝန်းကျင်ဖြင့် ဧပြီ လကုန်ပိုင်းတွင် စတင်ရောင်းချသည်။ စင်ကာပူ၊ မလေးရှား၊ ထိုင်း၊ ဗီယက်နမ်တို့တွင် ၂၀၂၄ မေလမှာ စတင်ရောင်းချမည်။ Reon Pocket စီးရီးသည် ၂၀၁၉ ခုနှစ်တွင် ဂျပန်နိုင်ငံ၌ ပွဲဦးထွက်ခဲ့ပြီး နောက်ပိုင်းဗားရှင်းများသည် ဟောင်ကောင်အပါအဝင် အာရှဈေးကွက်များတွင် အောင်မြင်မှု ရရှိခဲ့သည်။ Reon တွင် အပူချိန်၊ စိုထိုင်းဆနှင့် ကိုယ်ခန္ဓာရွေ့လျားမှုတို့ကို အာရုံခံကိရိယာများဖြင့် သိရှိပြီး အသုံးပြုသူအတွက် အဆီလျော်ဆုံးဖြစ်သည့် အအေးရေချိန်ဖြင့် အအေးပေးသည်။  အအေးပေးသည့်ရေချိန် အဆင့် ငါးဆင့်၊ အပူပေးသည့်ရေချိန် အဆင့် လေးဆင့် ပါသည်။ တွဲဖက်အသုံးပြုရန် Reon Pocket Tag ပါသည်။ ၎င်းTag သည် အဝေးအာရုံခံကိရိယာအဖြစ်ဖြင့် ပတ်ဝန်းကျင်အခြေအနေများကို သိရှိပြီး ပင်မကိရိယာထံ သတင်းပေးပို့သည်။ Reon Pocket 5 ကို Reon Pocket App အသုံးပြုပြီး စမတ်ဖုန်းဖြင့် Bluetooth ချိတ်ဆက်ထားပြီး ညွှန်ကြားချက်များ ပေးနိုင်သည်။ ဘက်ထရီသည် Reon Pocket 5 ကို ၁၇ နာရီအထိ ဆက်တိုက်သုံးနိုင်သည်။ Source ndtv

 ပြီးခဲ့သောနှစ်တွင် နိုင်ငံခြားသား ၆ သိန်းကျော်သည် ဆေးကုသမှုခံယူရန် ကိုရီးယားနိုင်ငံသို့ လာရောက်ခဲ့ပြီး နိုင်ငံ၏ ဆေးဘက်ဆိုင်ရာ ခရီးသွားလုပ်ငန်းသမိုင်းတွင် စံချိန်တင် မြင့်မားခဲ့ကြောင်း ကျန်းမာရေးဝန်ကြီးဌာနက ပြောကြားသည်။ ကိုရီးယားနိုင်ငံသည် နိုင်ငံခြားသား လူနာ ၆၀၅,၇၆၈ ဦးကို လက်ခံခဲ့ကြောင်း ကျန်းမာရေးနှင့် လူမှုဖူလုံရေး ဝန်ကြီးဌာနမှ ဆိုသည်။ ဝန်ကြီးဌာနသည် နိုင်ငံ၏ ဆေးဘက်ဆိုင်ရာ ခရီးသွား လုပ်ငန်းကို ၂၀၂၃ ခုနှစ် မေလမှ စတင်ကာ မြှင့်တင်ရန် ကြိုးပမ်းခဲ့သည်။ အလာများသည့် နိုင်ငံများမှာ • ဂျပန် ၁၈၇,၇၇၁ ဦး (၃၁%) • တရုတ် ၁၁၂,၁၃၅ ဦး (၁၈.၅%) • အမေရိကန် ၇၆,၉၂၅ ဦး (၁၂.၇%) • ထိုင်း ၃၀,၈၄၄ ဦး (၅.၁%) တို့ ဖြစ်ပါသည်။ ယမန်နှစ်က နိုင်ငံခြားလူနာများ၏ ထက်ဝက်ကျော်သည် အလှအပဆိုင်ရာ ကုသမှုများကို ရယူခဲ့ကြရာ၌ အရေပြားဆိုင်ရာ ကုသမှုများအတွက် ၃၅.၂ ရာခိုင်နှုန်းနှင့် ပလပ်စတစ်ဆာဂျရီအတွက် ၁၆.၈ ရာခိုင်နှုန်း ပါဝင်သည်။ Source koreatimes #HealthIndustryGuide