ဂျပန်တွင် ကန်ဒေါ်လာ ၂ ဘီလီယံနီးပါး တန်ဖိုးရှိ ကိုဗစ်သောက်ဆေးများ ဖျက်ဆီးပစ်မည်

ဂျပန်အစိုးရသည် ကန်ဒေါ်လာ ၂ ဘီလီယံနီးပါး တန်ဖိုးရှိသည့် COVID-19 သောက်ဆေးများကို ဖျက်ဆီးပစ်မည် ဖြစ်သည်။

ကိုရိုနာဗိုင်းရပ်ကူးစက်ပျံ့နှံ့မှုအတွင်း လူဦးရေ ၅.၆ သန်းအတွက် ဝယ်ယူထားသော COVID-19 သောက်ဆေးများတွင် လူဦးရေ ၄.၃ သန်းအတွက် ၇၇ ရာခိုင်နှုန်း လက်ကျန် ကျန်ရှိနေသည်။

ကိုဗစ်ကို ရာသီတုပ်ကွေးအဖြစ် ယမန်နှစ် မေလမှစ၍ သတ်မှတ်လိုက်ပြီ ဖြစ်သဖြင့် ၎င်းသောက်ဆေးများ အသုံးမလိုတော့ချေ။ ၎င်းဆေးဝါးများ သက်တမ်းကုန်ဆုံးသည့်အခါ ဖျက်ဆီးပစ်ရမည် ဖြစ်ပြီး တန်ဖိုးစုစုပေါင်းမှာ ယန်း ၃၀၀ ဘီလီယံ (ကန်ဒေါ်လာ ၁.၉၃ ဘီလီယံ) ရှိသည်။

• Shionogi & Co မှ ထုတ်လုပ်သည့် Xocova ဆေးပြား

• Merck & Co မှ ထုတ်လုပ်သော Lagevrio ဆေးတောင့်များ

• Pfizer Inc. မှ ထုတ်လုပ်သော Paxlovid ဆေးလုံးများ

ပါဝင်သည်။

ဂျပန်အစိုးရသည် 

• Xocova ကို လူနာ ၂ သန်းအတွက်လည်းကောင်း

• Lagevrio ကို လူနာ ၁.၆ သန်းအတွက်လည်းကောင်း

• Paxlovid ကို လူနာ ၂ သန်းအတွက်လည်းကောင်း

ဝယ်ယူခဲ့သည်။

မတ်လကုန် လက်ကျန်စာရင်းမှာ

• Xocova လူနာ ၁.၇၇ သန်းအတွက် လည်းကောင်း

• Lagevrio လူနာ ၇၈၀,၀၀၀ အတွက်လည်းကောင်း

• Paxlovid လူနာ ၁.၇၅ သန်းအတွက်လည်းကောင်း

ကျန်ရှိသည်။

လူနာတဦးအတွက် ကုန်ကျစရိတ်မှာ 

• Xocova ယန်း ၅၂,၀၀၀

• Lagevrio ယန်း ၉၄,၀၀၀

• Paxlovid ယန်း ၉၉,၀၀၀

ဖြစ်ပါသည်။

ဂျပန်နိုင်ငံတွင် ယန်း ၆၆၅.၃ ဘီလီယံဖိုးရှိ COVID-19 ကာကွယ်‌ရေး ထိုးဆေး သန်း ၂၄၀ ကို ဖျ

က်ဆီးခဲ့သည်။

source kyodonews