GuideInfo4U

 ဟိုတယ်နှင့်ခရီးသွားလာရေးဝန်ကြီးဌာန၊ခရီးသွားလုပ်ငန်းသုတေသနဌာနစိတ်မှ ထုတ်ပြန်သည့် မြန်မာနိုင်ငံပြည်တွင်းခရီးသွားစစ်တမ်း - ၂၀၂၃ တွင် ဖော်ပြထားသည့်အချက်အများအရ ၂၀၂၃ ခုနှစ်တွင် ဒီဇင်ဘာလသည် ခရီးအများဆုံးသွားသည့်လဖြစ်ပြီး ဇန်နဝါရီလသည် ဒုတိယအများဆုံးလ ဖြစ်ပါသည်၊ အောက်တိုဘာနှင့် ဧပြီလတို့သည် တတိယအများဆုံးဖြစ်ပါသည်။ သို့ဖြစ်ရာ ဆောင်းကာလတွင် ခရီးအများဆုံး ထွက်ဖြစ်ကြသည်။ ခရီးသွားရန် ပုဂ္ဂလိကဘတ်စ်ကား အများဆုံးအသုံးပြုကြပြီး ဒုတိယအများဆုံးမှာ လေယာဉ်ဖြစ်ပါသည်။  စစ်တမ်းတွင် ပါဝင်ဖြေဆိုကြသူများတွင် ၈၃% သည် စိတ်ကျေနပ်မှု မရရှိကြောင်း ဖြေဆိုခဲ့ကြသည်။ ၄၁% က အခြေခံအဆောက်အအုံများ အဆင့်မြှင့်တင်ရန်၊ ၁၆%က ပို့ဆောင်ရေး ဝန်ဆောင်မှု အဆင့်အတန်း မြှင့်တင်ရန်၊ ၁၂% က ပို့ဆောင်ရေးကုန်ကျစရိတ် လျှော့ချပေးရန် အကြံပြုပါသည်။ စစ်တမ်းကို အောက်ပါလင့်တွင် ရယူနိုင်ပါသည်။ မြန်မာ https://shorturl.at/vU2hL English https://shorturl.at/9l0EK

 တရုတ်အာဏာပိုင်များသည် တရုတ်နိုင်ငံရှိ ဟိုတယ်များတွင် နိုင်ငံခြားဧည့်သည်များကို ငြင်းပယ်ခြင်း မပြုရန် ညွှန်ကြားထားသည်။ တရုတ်နိုင်ငံတော် ကောင်စီ၏ ဝက်ဘ်ဆိုဒ်တွင် တင်ထားသည့် သတိပေးချက်တွင် တရုတ်အစိုးရသည် ဟိုတယ်များက တည်းခိုခွင့် မပေးသည့် ယူကေနှင့် နိုင်ဂျီးရီးယား နိုင်ငံသားများ အပါအဝင် နိုင်ငံခြားသား ခရီးသွားများထံမှ တိုင်ကြားချက်များ လက်ခံရရှိထားကြောင်း ဖော်ပြထားသည်။  ဟိုတယ်များသည် နိုင်ငံခြားဧည့်သည်များကို လက်ခံရန် မစီစဉ်ထားခြင်း၊ ဧည့်စာရင်း တိုင်ရန် အချက်အလက်စနစ်ထဲသို့ အချက်အလက်များ ထည့်သွင်းနည်းကို မသိခြင်းစသည့် အကြောင်းပြချက်များဖြင့် နိုင်ငံခြားသား ခရီးသွားများကို တည်းခိုခွင့် မပေးကြချေ။  အဆိုပါအကြောင်းပြချက်များကြောင့် နိုင်ငံခြားခရီးသွားများကို ငြင်းဆိုခွင့်မပြုတော့ကြောင်း တရုတ်အစိုးရအဖွဲ့အစည်းအများအပြားက ပြီးခဲ့သည့် သောကြာနေ့ (မေလ ၂၄ ရက်) တွင် သတိပေးချက် ထုတ်ပြန်ခဲ့သည်။ Source cna #TravelerGuide 

 တရုတ်ခရီးသွားများ အလည်အပတ်လာရောက်အောင် ဆွဲဆောင်ရန်အတွက် တရုတ်နိုင်ငံ၏ အကျော်ကြားဆုံး မင်းသမီးတစ်ဦးဖြစ်သည့် ဖန်ဘင်းဘင်းကို မလေးရှားနိုင်ငံ မယ်လကာပြည်နယ်၏ ခရီးသွားသံတမန်အဖြစ် ဇွန် ၁၅ ရက်တွင် ခန့်အပ်မည်ဖြစ်သည်။ ဇွန် ၁၄ ရက်မှ ၁၆ ရက်အထိ မလကာမြို့၌ ပြည်နယ်ကို စံပြခရီးသွားနေရာအဖြစ် သတ်မှတ်ရန် ရည်မှန်းထားသည့် ကမ်ပိန်းကို မြှင့်တင်မည့် အစီအစဉ်တွင် ဖန်ဘင်းဘင်း ပါဝင်မည်ဟု မလေးရှား မီဒီယာ The Star တွင် သတင်းဖော်ပြသည်။ အသက် ၄၂ နှစ်ရှိ ဖန်ဘင်းဘင်းကို ရှန်ဒေါင်ပြည်နယ်တွင် မွေးဖွားသည်။ အသက် ၁၇ နှစ်မှာ ဖျော်ဖြေရေးလောကထဲသို့ စတင်ဝင်ရောက်ခဲ့ပြီး မင်းသမီး၊ မော်ဒယ်၊ တီဗီအစီအစဉ် ထုတ်လုပ်သူနှင့် အဆိုတော်အဖြစ် အောင်မြင်ကျော်ကြားသူဖြစ်သည်။ ၂၀၁၇ ခုနှစ် Time မဂ္ဂဇင်း၏ သြဇာအရှိဆုံး လူ ၁၀၀ စာရင်းတွင် ပါဝင်ခဲ့သည်။ အခွန်ရှောင်ခြင်းအတွက် ဒေါ်လာ ၁၂၈ သန်း ဒဏ်ရိုက်ခံရသည့် ၂၀၁၈ ခုနှစ်ကတည်းက စ၍ ဆင်ဆင်ခြင်ခြင် နေထိုင်ခဲ့သည်။  ထိုင်းနည်းတူ မလေးရှားသည်လည်း တရုတ်ခရီးသွားများကို ဆွဲဆောင်ရန် ဒီဇင်ဘာလမှစ၍ တရုတ်ရီးသွားများကို ရက်၃၀ ဗီဇာ ကင်းလွတ်ခွင့် ပေးထားသည်။ Source thestar #TravelerGuide 

 ထိုင်းဘဏ်များသည် Covid-19 အကျပ်အတည်းကာလအတွင်း ချေးငွေများ ထုတ်ချေးခြင်းကို ခေတ္တရပ်ထားပြီးနောက် ယခုအခါ ဟိုတယ်အသစ် ဆောက်လုပ်မည့် စီမံကိန်းများအတွက် ချေးငွေများ ပြန်လည်ပေးအပ်နေပြီဖြစ်သည်။ သို့ဖြစ်ရာ ဧည့်ဝတ်ပြုမှုလုပ်ငန်းကဏ္ဍသည် အဓိကအားဖြင့် ထိုင်းနိုင်ငံ ပင်လယ်ကမ်း‌ခြေ အပန်းဖြေမြို့များဖြစ်သည့် ဖူးခက်နှင့် ပတ္တယားတို့တွင် ဟိုတယ်စီမံကိန်းများကို အကောင်အထည်ဖော်ကြသည်။ Onyx Group သည် ရင်းနှီးမြှုပ်နှံမှု အစီအစဉ်အရ လာမည့် ၃နှစ်မှ ၅နှစ်အတွင်း ဖူးခက်တွင် ဟိုတယ် လေးငါးလုံး ဆောက်လုပ်ရန် ရည်ရွယ်ထားကြောင်း၊ Onyx ၏ လူသိများသော အမှတ်တံဆိပ်များ ဖြစ်သည့် brands: Amari, OZO, Shama, Oriental Residence တို့ ပါဝင်မည်ဖြစ်ကြောင်း Onyx Hospitality Group ၏ CEO Yuthachai Charanachitta က ပြောကြားခဲ့သည်။ မလေးရှားမှ ဇိမ်ခံအပန်းဖြေစခန်း အမှတ်တံဆိပ် EQ က ထိုင်းသို့ တိုးချဲ့မည့် အစီအစဉ်တွင်လည်း Onyx Group က ပူးပေါင်းပါဝင်မည်။ EQ က ပထမခြေလှမ်းအဖြစ် ဖူးကက်တွင် ရင်းနှီးမြှုပ်နှံမည်။   ပထမသုံးလပတ်တွင် ပတ္တယားအိမ်ခြံမြေဈေးကွက် ပြန်လည်ကောင်းမွန်လာသည့်လက္ခဏာများ ပြသခဲ့ပြီး ကွန်ဒိုမီနီယံ စီမံကိန်းအသစ် ၃ ခုကို စတင်...

 ထိုင်းနိုင်ငံသို့ ဗီဇာမယူဘဲဖြစ်စေ၊ ဆိုက်ရောက်ဗီဇာဖြင့်ဖြစ်စေ ဝင်ရောက်နိုင်မည်ဖြစ်ပြီး ရက်ပေါင်း ၆၀ အထိ နေထိုင်နိုင်သည့် ၉၃ နိုင်ငံ စာရင်းကို နိုင်ငံခြားရေး ဝန်ကြီးဌာနက ဗုဒ္ဓဟူးနေ့ (မေ ၂၉)တွင် ထုတ်ပြန်ပါသည်။ ခရီးသွားလုပ်ငန်း မြှင့်တင်ရန်နှင့် နိုင်ငံတွင်းသို့ ခရီးသွား ဒေါ်လာများ ဝင်ရောက်လာစေရန် နိုင်ငံပေါင်း ၉၃ နိုင်ငံအတွက် ဗီဇာကင်းလွတ်ခွင့်ကို အစိုးရအဖွဲ့က အင်္ဂါနေ့က သဘောတူခဲ့သည်။ အဆိုပါ စာရင်းတွင်  • ထိုင်းနိုင်ငံမှာ ဗီဇာမလိုဘဲ ရက်ပေါင်း ၃၀ နေထိုင်ခွင့်ရသည့် ၅၇ နိုင်ငံ  • ဗီဇာလိုအပ်ချက်ကို မကြာသေးမီကမှ လျှော့ပေါ့ပေးခဲ့သည့် ၁၃ နိုင်ငံ • ဗီဇာမလို ထိုင်းတွင် ရက် ၆၀ နေထိုင်ခွင့်ပြုသည့် ထပ်တိုး ၆ နိုင်ငံ • ဆိုက်ရောက်ဗီဇာဖြင့် ရက် ၆၀ တံဆိပ်တုံး ရရှိမည့် ထပ်တိုး ၁၇ နိုင်ငံ တို့ပါဝင်သည်။ ဗီဇာကင်းလွတ်ခွင့်ကို ရရှိထားပြီးသားဖြစ်သော ၅၇ နိုင်ငံသည် ယခုအခါ ဆိုက်ရောက်ဗီဇာအတွက် ရက် ၆၀ တံဆိပ်တုံးကို ရနိုင်သည်။ 1. ကနေဒါ  2. ချက်သမ္မတနိုင်ငံ  3. ဒိန်းမတ်  4. အက်စ်တိုးနီးယား  5. ဖင်လန်  6. ပြင်သစ်  7. ဂျာမနီ  8. ဂရိ  9. ဟန်ဂေရီ  10. အိုက်စလန်...

 တောင်ကိုရီယားမှ ဆိုးလ်မြို့ပြအစိုးရ Seoul Metropolitan Government (SMG) သည် ဧည့်သည်များအား ဟန်မြစ် မြင်ကွင်းကျယ်နှင့် မြို့တော်၏ တိုက်တာရှုခင်းများကို ပေးစွမ်းနိုင်ရန် ဟန်မြစ် မြစ်ကူးတံတား Hangang Bridge ပေါ်တွင် ထူးခြားသောဟိုတယ်တစ်ခုကို ဖွင့်လှစ်ရန် စီစဉ်‌နေသည်။ ဇူလိုင် ၁၆ ရက်တွင် တရားဝင်ဖွင့်လှစ်မည်ဖြစ်ပြီး မြစ်ကူးတံတားပေါ်တွင် တည်ဆောက်ထားသည့် ကမ္ဘာ့ပထမဆုံးဟိုတယ် ဖြစ်လာမည်။ ကော်ဖီဆိုင်အဖြစ် အသုံးပြုခဲ့သည့် တံတားပေါ်ရှိ လက်ရှိအဆောက်အဦကို အိပ်ခန်း၊ ဧည့်ခန်းနှင့် ရေချိုးခန်းများပါရှိသော ၁၄၅ စတုရန်းမီတာ ကျယ်ဝန်းသော အခန်းဖြစ်လာစေရန် ပြန်လည်ပြုပြင်ထားပြီး ဧည့်သည် လေးဦးအထိ လက်ခံနိုင်သည်။ အတွင်းဒီဇိုင်းကို ကမ္ဘာ့အွန်လိုင်း အိမ်အခန်းငှားဝန်ဆောင်မှုလုပ်ငန်း Airbnb က ဒီဇိုင်းထုတ်ပေးထားသည်။ Ramada Hotel နှင့် Militopia Hotel တို့ကို စီမံခန့်ခွဲသည့် San-ha HM က လုပ်ငန်းလုပ်ကိုင်ခွင့် ရရှိသည်။ အခန်းငှားခမှာ တည ဝမ် ၃၄၀,၀၀၀($250)မှ ၅၀၀,၀၀၀ အထိ ဖြစ်သည်။ Airbnb တွင် Booking တင်ရမည်။ Source koreatimes  #EducationIndustryGuide #TravelerGuide 

စင်ကာပူလေကြောင်းလိုင်း၏ ကုန်ကျစရိတ်သက်သာသော လေကြောင်းလိုင်း Scoot သည် ၎င်း၏ ပထမဆုံး Embraer E190-E2 လေယာဉ်ဖြင့် မေလ ၇ ရက်တွင် စတင်ပျံသန်းပြေးဆွဲသည်။ Scoot သည် Embraer အသစ် ၉ စင်းကို မှာကြားထားရာ ၂၀၂၅ မကုန်ခင် အားလုံး လက်ခံရရှိမည်။ လေကြောင်းခရီးသည်တင် လေယာဉ်များတွင် အသံ အငြိမ်သက်ဆုံးနှင့် လောင်စာဆီ အသက်သာဆုံး ဖြစ်ပြီး မင်းလမ်းတခုပါ Embraer E190-E2 လေယာဉ်သည် မင်းလမ်း တဖက်တချက်စီတွင် ၂၉ လက်မ ထိုင်ခုံနေရာ ၂ ခု ပါဝင်ကာ စုစုပေါင်း ၁၁၂ ခုံအထိ ထားနိုင်သည်။ ပြတင်းပေါက်များ ပိုကျယ်သည်။    Embraer E2 စီးရီးသည် ခရီးတိုနှင့် ခရီးအလယ်အလတ် ပျံသန်းရန် ဒီဇိုင်းထုတ်ထားသည်။  Scoot သည် ဒုတိယမြောက် E190-E2 လေယာဉ်ကို စင်ကာပူတွင် လက်ခံရယူထားပြီးပြီ ဖြစ်ပြီး ပျံသန်းပြေးဆွဲရန် ပြင်ဆင်နေသည်။ လက်ရှိတွင် Scoot သည် အာရှ-ပစိဖိတ်၊ အရှေ့အလယ်ပိုင်းနှင့် ဥရောပရှိ နိုင်ငံနှင့် နယ်မြေပေါင်း ၁၅ခုသို့ ခရီးစဉ် ၆၇ ခု ပျံသန်းပါသည်။ Source cna #LogisticsIndustryGuide 

 သုညအသားတင် စွမ်းအင် အဆောက်အဦ zero net energy building (ZNEB) သည်  စွမ်းအင်ထုတ်လုပ်သုံးစွဲမှု အကောင်းဆုံးထိရောက်မှုရှိပြီး တစ်နှစ်ပတ်လည် ကာလအတွင်း သန့်ရှင်းသော ပြန်လည်ပြည့်ဖြိုးမြဲ အရင်းအမြစ်များကို အသုံးပြုကာ အဆောက်အဦတွင် စွမ်းအင်ထုတ်လုပ်သည်။ ထုတ်လုပ်သော စွမ်းအင်ပမာဏ စုစုပေါင်းသည် အဆောက်အဦတွင် သုံးစွဲသည့် စွမ်းအင်ပမာဏ စုစုပေါင်းကို ပြည့်မီဖူလုံသည်။ သို့ဖြစ်ရာ ပြင်ပမှ ရယူသော စွမ်းအင်ပမာဏ သုည ဖြစ်သဖြင့် 'zero-energy' ဟုလည်း ခေါ်တွင်သည်။ စင်ကာပူနိုင်ငံ ချန်ဂီလေဆိပ်တွင် တည်‌ဆောက်မည့် ၇ ထပ်ဟိုတယ် Hotel Indigo Changi Airport သည် စင်ကာပူနိုင်ငံ၏ ပထမဆုံး 'zero-energy' ဟိုတယ်ဖြစ်လာမည်။  ချန်ဂီလေဆိပ်၌ Jewel Changi Airport တွင် YOTEAIR Singapore ဟိုတယ် ရှိသည်။ Terminal 3 နှင့်တိုက်ရိုက်ချိတ်ဆက်ထားသော Crown Plaza Changi Airport ဟိုတယ်ရှိဟည်။ သို့ဖြစ်ရာ Hotel Indigo သည် ချန်ဂီလေဆိပ်၏ တတိယဟိုတယ် ဖြစ်လာမည်။ ၂၂၅ ခန်း ရှိပြီး ခရီးသွားများ တည်းခိုရန်အပြင် စင်ကာပူမှာ နေထိုင်ကြသူများ staycation တည်းခိုနိုင်မည် ဖြစ်သည်။ စွမ်းအင် ထုတ်လုပ်ရန် ဆိုလာပြားများ ခင်းကျင်းထားမည်။ လေအေးစက်နှင့် သဘာ...

 ခရီးသွားလာရေး မြှင့်တင်ရန်နှင့် နိုင်ငံခြားခရီးသွားများ ပိုမိုအဆင်ပြေစေရန်အတွက် နယ်စပ်စစ်ဆေးရေးဂိတ် ၈ ခုနှင့် ပင်လယ်ဆိပ်ကမ်း ၅ ခုတွင် TM6 ပုံစံကတ် ဖြည့်သွင်းပေးအပ်ရခြင်းကို ရပ်ဆိုင်းရန် နိုင်ငံခြားရေးဝန်ကြီးဌာန၏ အဆိုပြုချက်ကို ထိုင်းအစိုးရအဖွဲ့က အတည်ပြုခဲ့သည်။ နယ်စပ်စစ်ဆေးရေးဂိတ် ၈ ခုမှာ - Sadao, Songkhla province - Chiang Saen, Chiang Rai -First Thai-Lao Friendship Bridge, Nong Khai - Second Thai-Lao Friendship, Mukdahan - Klong Luek, Mukdahan - Sungai Kolok, Narathiwat - Betong, Yala - Padang Bezar, Songkhla ခရီးသွားလုပ်ငန်း အပျော်စီးသင်္ဘော၊ Sport Boat တို့ဖြင့် ဆိုက်ရောက်လာသည့် နိုင်ငံခြားသားများ TM6 ကတ် ကင်းလွတ်ခွင့် ရသည့် ပင်လယ်ဆိပ်ကမ်း စစ်ဆေးရေးဂိတ် ၅ ခုမှာ - Phuket  - Rayong  - Chonburi  - Krabi  - Surat Thani  TM6 ကတ် မလိုအပ်ကာလမှာ ဧပြီ ၁၅ ရက်မှ အောက်တိုဘာ ၁၅ ရက်အထိ ဖြစ်သည်။ လေဆိပ်များတွင် ကြန့်ကြာမှုများ သက်သာစေရန် ထိုင်းအစိုးရက TM6 ဆိုက်ရောက်/ထွက်ခွာကတ်များကို ၂၀၂၂ ခုနှစ် ဇွန်လတွင် ရပ်ဆိုင်းခဲ့သည်။ TM6 ကတ်တွင် ဆိုက်ရောက်နှင့် ထွက်ခွာ နှစ်ပိုင်းပ...

 ထိုင်းနိုင်ငံ သုဝဏ္ဏဘူမိလေဆိပ်မှ အစ္စရေးနိုင်ငံသို့ ပျံသန်းသည့် လေယာဉ်များ ရှေ့ဆက်ပျံသန်းဖို့ မဖြစ်နိုင်တော့သဖြင့် နောက်ကြောင်းပြန်လှည့်လာခဲ့ကြရာ ထိုင်းနိုင်ငံ လူဝင်မှုကြီးကြပ်ရေး ရဲတပ်ဖွဲ့က ၎င်းခရီးစဉ်များမှ ခရီးသည်များကို ပြည်ဝင်ခွင့် ပေးအပ်သည်။ ဟိုတယ်၌ဖြစ်စေ၊ လေဆိပ်တွင်ဖြစ်စေ နေထိုင်ရန် ခွင့်ပြုသည်။ အီရတ်၊ အစ္စရေးနှင့် ဂျော်ဒန်နိုင်ငံတို့က ၎င်းတို့၏ လေပိုင်နက်ကို ပိတ်ပင်ခဲ့ပြီးနောက် စနေနေ့ညနေပိုင်းမှစပြီး အစ္စရေးနှင့် အနီးနားနိုင်ငံများသို့ လေကြောင်းခရီးစဉ်များ ပျံသန်းမရ ဖြစ်သွားခဲ့သည်။ အီရန်က အစ္စရေးကို ဒရုံးများ၊ ဒုံးကျည်များဖြင့် ပစ်ခတ်တိုက်ခိုက်နေသည်။ သို့ဖြစ်ရာ El Al Israel Airlines သည် အစ္စရေးသို့ သွားသည့် လေယာဉ် ၂ စင်း ပြန်ခေါ်ယူထားကြောင်း  သုဝဏ္ဏဘူမိလေဆိပ်ရှိ လူဝင်မှုကြီးကြပ်ရေးရဲတပ်ဖွဲ့ထံ အကြောင်းကြားခဲ့သည်။ လှည့်ပြန်လာသည့်  လေယာဉ်စီးခရီးသည်များသည် ၎င်းတို့၏ နိုင်ငံကူးလက်မှတ်တွင် ထွက်ခွာ တံဆိပ်တုံး ထုထားပြီး ဖြစ်သောကြောင့် ပုံမှန်အားဖြင့် လေဆိပ်တွင်သာ နေထိုင်ရမည်ဖြစ်သည်။ သို့သော် ယခုကိစ္စတွင် လူဝင်မှုကြီးကြပ်ရေးဗျူရိုက သက်ညှာမှုပြုခဲ့သည်။ သက်ကြီးရွယ်အိုများနှ...

"ကြိုတင်ကာကွယ်သည့် အနေဖြင့် ၂၀၂၄ ခုနှစ် ဧပြီလ ၁၃ ရက် ၁၃၀၀ နာရီ (စင်ကာပူစံတော်ချိန်)မှ စ၍ Singapore Airlines (SIA)နှင့် Scoot လေကြောင်းခရီးစဉ်များအားလုံးသည် အီရန် လေပိုင်နက်အတွင်း ပျံသန်းခြင်းကို ရပ်လိုက်ပြီး အစားထိုး လမ်းကြောင်းများကို အသုံးပြုပါသည်။ အရှေ့အလယ်ပိုင်းဒေသ အခြေအနေကို ကျွန်ုပ်တို့ အနီးကပ် စောင့်ကြည့်နေပြီး ကျွန်ုပ်တို့၏ ပျံသန်းမှုလမ်းကြောင်းများကို လိုအပ်သလို ချိန်ညှိပြောင်းလဲ ပါမည်" ဟု Singapore Airlines (SIA) က တနင်္ဂနွေနေ့ (ဧပြီ ၁၄) တွင် ပြောကြားသည်။ လက်ရှိအခြေအနေကြောင့် Lufthansa သည် အီရန် မြို့တော် တီဟီရန်သို့ အသွားအလာ ပျံသန်းမှုများကို ရပ်ဆိုင်းထားသည်ဟု ဂျာမန်လေကြောင်းလိုင်းက သောကြာနေ့တွင် ကြေညာခဲ့သည်။ ၎င်း၏ လေယာဉ်များသည် အီရန်လေပိုင်နက်ကို အသုံးမပြုတော့ကြောင်း ပြောကြားသည်။  Lufthansa လက်အောက်ခံ Austrian Airlines နှင့်ဩစတေးလျမှ  Qantas  လေကြောင်းလိုင်းတို့သည်လည်း အီရန်လေပိုင်နက်ကို ရှောင်ကွင်းပျံသန်ကြသည်။  အီရတ်၊ အစ္စရေးနှင့် ဂျော်ဒန်နိုင်ငံတို့က ၎င်းတို့၏ လေပိုင်နက်ကို ပိတ်ပင်ကြောင်း စနေနေ့ညတွင် ကြေညာသည်။ Thai Airways International (THAI) ၏ ဥရောပ ခ...

 ၂၀၂၁ တွင်  ကောက်ယူသော စစ်တမ်းတစ်ခုတွင် ဖြေဆိုသူ ဆိုးလ်မြို့ခံများတွင် ၇၃.၃ ရာခိုင်နှုန်းသည် မြို့တော်တွင် အမှိုက်ပုံး အလုံအလောက် မရှိဟု ခံစားရကြောင်း၊  အဓိက အဆင်မပြေမှုတခုဟု ဖြေဆိုခဲ့ကြသည်။ ၂၀၂၃ ခုနှစ်စာရင်းအရ ဆိုးလ်မြို့တစ်ဝှမ်းတွင် အမှိုက်ပုံးပေါင်း ၄,၉၅၆ ခု ရှိသည်ဟု ဆိုးလ်မြို့တော် အစိုးရက ဆိုသည်။ ၎င်းအရေအတွက်သည် ၁၉၉၅ ခုနှစ်တွင် ၇,၆၀၇ ခု  ရှိခဲ့သည်ထက် သိသိသာသာ လျော့နည်းနေဆဲဖြစ်သည်။ အိမ်မှ အမှိုက်များ စွန့်ပစ်ခြင်း အတွက် ပမာဏအရ အမှိုက်ပစ်ခ ကောက်ခံခြင်းကို ၁၉၉၅ ခုနှစ်တွင်  စတင်ကောက်ခံခဲ့သည်။ ထိုအခါ အမှိုက်ပစ်ခ ပိုများများ မပေးလိုကြသည့် အိမ်ထောင်စုများက လမ်းဘေးအမှိုက်ပုံးများတွင် အမှိုက်သွားပစ်ခဲ့ကြသည်။ သို့ဖြစ်ရာ လမ်းဘေးအမှိုက်ပုံးများကို အစိုးရက သိမ်းဆည်း ဖယ်ရှားခဲ့ရသည်။  လက်ရှိ လက်ကျန် အမှိုက်ပုံးများကိုလည်း အိမ်မှ အမှိုက်များ ပစ်ရခက်အောင် အပေါက်ကျဉ်းပေးထားသည်။ အမှိုက်ပုံး ဒီဇိုင်းနှင့် အရောင်တို့မှာလည်း မတင့်တယ်ချေ။  ယခုအခါ လမ်းသွားလမ်းလာများ အမှိုက်ပစ်ရန် အဆင်ပြေစေရန်အတွက်သာမက မြို့တော်၏ အထင်ကရ သင်္ကေတအဖြစ်လည်း ရှိနေအောင် အမှိုက်ပုံးကို ဒီဇိုင်းဖ...

မကွေးတိုင်းဒေသကြီး၊ မကွေးမြို့နေ တိုင်ကြားသူသည် မော်တော်ယာဉ်လိုင်းတစ်ခုဖြင့် ကျောက်ပန်းတောင်းမြို့မှ မကွေးမြို့သို့ လိုက်ပါခဲ့ရာ ကားနောက်ဖုံးထဲ၌ တင်ဆောင်လာသော ကတ္တားခေါင်းတစ်ခု တန်ဖိုးငွေ ကျပ်(၁)သိန်းခန့်၊ Service ကဒ်(၂)ကဒ် တန်ဖိုးငွေကျပ် (၁)သိန်းခန့်၊ ပုဆိုးသစ်(၃)ကွင်း တန်ဖိုး ငွေကျပ်၂၁,၀၀၀/- ၊ ဝမ်းဆက် (၃)စုံ တန်ဖိုးငွေကျပ် ၃၁,၈၀၀/-၊ စောင်တစ်ထည်တန်ဖိုးငွေကျပ် ၁၀,၀၀၀/-၊ စုစုပေါင်းတန်ဖိုးငွေကျပ်၂၆၂,၈၀၀/-အပြင် ငွေသား (၄၃) သိန်းပါသော ခရီးဆောင်အိတ်မှာ ကားနောက်ဖုံးလှပ်၍ ပြုတ်ကျခဲ့ပါ သဖြင့် တိုင်ကြားသူမှ ယာဉ်မောင်းအား မည်ကဲ့သို့ တာဝန်ယူပေးမည်နည်းဟု မေးမြန်းခဲ့ရာ ယာဉ်မောင်းမှ ငွေသား(၄၃)သိန်း အိတ်ထဲပါလာသည်ကို  ခရီးသည်မှ ပြောကြားမှု မရှိသည့်အတွက် မသိရှိပါကြောင်း၊ တန်ဆာခလည်း ပေးချေထားခြင်း မရှိ၍ လျော်ကြေးပေးရန်မှာလည်း မဖြစ်နိုင်ပါကြောင်း ပြန်လည်ပြောကြားခဲ့သောကြောင့် ခရီးဆောင်အိတ် ပြုတ်ကျခဲ့သည့်အပေါ် ယာဉ်လိုင်းမှ တာဝန်ခံမှု/ တာဝန်ယူမှု မရှိသည့်အတွက် တိုင်ကြားခြင်း ဖြစ်ပါသည်။   တိုင်ကြားမှုနှင့်ပတ်သက်၍ စားသုံးသူရေးရာဌာနမှ တာဝန်ရှိသူများက စိစစ်၍ အမြန်ယာဉ်အသင်းမှ တာဝန်ရှိသူအား အကြောင်းကြား ...

 ကိုရီးယား ဆိုးလ်မြို့တော်မှ အမှတ် (၁) မှ (၈) အထိ မြေအောက်ရထားလိုင်းများ၏ အော်ပရေတာဖြစ်သော Seoul Metro သည် မြေအောက်ရထားများမှ ထိုင်ခုံများကို ကြမ်းပိုးများနှင့် အခြားညစ်ညမ်းမှုများ ကင်းဝေးစေရန်အတွက် အထည်သား ထိုင်ခုံများ အားလုံးကို အားဖြည့်ပလပ်စတစ်ထိုင်ခုံများဖြင့် အစားထိုးမည်ဖြစ်ကြောင်း အင်္ဂါနေ့(ဧပြီ ၂)တွင် ပြောကြားခဲ့သည်။ လက်ရှိတွင် မြေအောက်ရထားများတွင် အထည်သား ထိုင်ခုံ ၅၄% ၊ ပလတ်စတစ်ထိုင်ခုံ ၂၉% ၊ စတီးထိုင်ခုံ ၁၇% သုံးစွဲထားသည်။ Line 3 မှ ရထားတွဲများမှ အထည်သားထိုင်ခုံ ၃၄၀ ကို ပလတ်စတစ်ထိုင်ခုံဖြင့် အရင်ဆုံး အစားထိုးမည်ဖြစ်ပြီး ကန်ဒေါ်လာ ၃.၃ သန်း ကုန်ကျမည် ဖြစ်သည်။ ကျန်သည့် လိုင်းများ အားလုံးကို ၂၀၂၉ နောက်ဆုံးထားပြီး လဲလှယ်သွားမည်။ ရထားတွဲများတွင် ကြမ်းပိုး တွေ့ရှိခြင်း မရှိသော်လည်း စိုးရိမ်ကြောင့်ကြမှုများ ပေါ်ပေါက်နေသဖြင့် အထည်သားထိုင်ခုံများ မသုံးတော့ရန် ဆုံးဖြတ်ခဲ့သည်။ ခရီးသည်များနှင့်အတူ ကြမ်းပိုးကပ်ပါလာနိုင်သဖြင့် ရထားတွဲများကို ပုံမှန် ပိုးသတ်ပေးလျက် ရှိသည်။ Source Yonhap

စင်ကာပူလေကြောင်းလိုင်း Singapore Airlines (SIA) သည် ချန်ဒူး နှင့် ချုံကင်းသို့ မတ်လ ၃၁ ရက်နေ့မှ စတင်၍ ပျံသန်းမှုကို ရပ်ဆိုင်းမည်ဖြစ်သည်။ တရုတ်မြို့နှစ်မြို့သို့ လေကြောင်းခရီးစဉ်များ ပြန်လည်စတင်ပြီးနောက် ငါးလမပြည့်မီ ရပ်ဆိုင်းလိုက်ခြင်း ဖြစ်သည်။  SIA ပြောရေးဆိုခွင့်ရှိသူက စည်းမျဉ်းစည်းကမ်းကြောင့်ဖြစ်ကြောင်း ပြောကြားခဲ့သည်။ ရပ်ဆိုင်းသည့် ကြာချိန်အပါအဝင် အသေးစိတ် ပြောပြခြင်း မပြုချေ။ စင်ကာပူ အလံတင် စင်ကာပူလေကြောင်းလိုင်းသည် ချန်ဒူးသို့ နေ့စဉ် ပြေးဆွဲသည်။ ချုံကင်းသို့ တပတ် ၃ ကြိမ် ပြေးဆွဲသည်။  စင်ကာပူနှင့် ချုံကင်း၊ ချန်ဒူး၊ ရှန်ကျန်း နှင့် ရှာမန်တို့အကြား ပျံသန်းပြေးဆွဲသည့် ခရီးစဉ်များသည် စည်းမျဉ်းစည်းကမ်းကြောင့် ၂၀၂၃ ခုနှစ်တွင် ရပ်ဆိုင်းခဲ့ပြီး အဆိုပါ မြို့လေးမြို့သို့ လေကြောင်းခရီးစဉ်များကို ၂၀၂၃ ခုနှစ် နိုဝင်ဘာလ ၂၆ ရက်မှာ ပြန်လည်စတင်ခဲ့သည်။ ပြည်တွင်း တရုတ်ဘာသာစကား သတင်းစာ Lianhe Zaobao က ၂၀၂၄ ခုနှစ် နွေရာသီနှင့် ဆောင်းဦးရာသီများတွင် မြို့နှစ်ခုစလုံးသို့ ပျံသန်းရန် တရုတ်နိုင်ငံ မြို့ပြလေကြောင်း စီမံခန့်ခွဲရေး Civil Aviation Administration of China (CAAC) ထံမှ ခွင့်ပြုချက်ကို SI...

အပြည်ပြည်ဆိုင်ရာ မြန်မာ့လေကြောင်း Myanmar Airways International (MAI) သည် ရန်ကုန် ⇆ ဗီယင်ကျန်း(လာအို)၊ ဒါကာ (ဘင်္ဂလားဒေ့ရှ်) နှင့် ရန်ကုန်⇆ချင်းမိုင် (ထိုင်း)တို့အကြား တိုက်ရိုက်ပျံသန်းမည့် ခရီးစဉ်များကို လာမည့် မေလအစောပိုင်းတွင် စတင်မည်ဖြစ်ကြောင်း မကြာသေးခင်က ကျင်းပခဲ့သည့် MAI Flight Forward အခမ်းအနားတွင် ကြေညာခဲ့သည်။ MAI ၏ ခေတ္တ စီအီးအိုနှင့် စီးပွားရေးအရာရှိချုပ် Tanes Kumar က လေကြောင်းလိုင်းသည် ဗီယင်ကျန်း(လာအို)၊ ချင်းမိုင် (ထိုင်း)၊ ဒါကာ (ဘင်္ဂလားဒေ့ရှ်) အစရှိသည့် မြို့များသို့ ခရီးစဉ်များ တိုးချဲ့ပျံသန်းမည်ဟု ပြောကြားသည်။ ပြည်ပခရီးစဉ်များ ၂၁ ခု ရှိသည်အထိ တိုးချဲ့မည် ဖြစ်သည်။ ရန်ကုန် ⇆ ဗီယင်ကျန်း(လာအို) ခရီးစဉ်ကို မေလ ၄ ရက်တွင် စတင်ပျံသန်းမည်။ အပတ်စဉ် အင်္ဂါ‌နေ့နှင့် ကြာသပတေးနေ့ တပတ် ၂ ကြိမ် ပျံသန်းမည်။  ၁၉၈၀ ပြည့်လွန်နှစ်များတွင် လာအိုလေကြောင်းလိုင်းသည် အမြတ်အစွန်း မရရှိခြင်းကြောင့် ရန်ကုန်သို့ ပျံသန်းမှု ရပ်ဆိုင်းခဲ့သည်။ ထိုစဉ်မှစ၍ လာအိုနှင့် မြန်မာတို့အကြား တိုက်ရိုက်လေကြောင်း ခရီးစဉ် မရှိတော့ချေ။  မြို့တော်ဗီယင်ကျန်းနှင့် ရန်ကုန်တို့အကြား လေကြောင်းခရီးစဉ် ပြန်စရန် ၂၀၁...

မလေးရှားလေကြောင်းကော်မရှင် Malaysian Aviation Commission (Mavcom) ၏  ကြေညာချက်အရ မလေးရှားနိုင်ငံရှိ လေဆိပ်မှ ထွက်ခွာမည့် ခရီးသည်များသည် ဇွန်လ ၁ ရက်နေ့မှ စတင်၍ ခရီးသည် ဝန်ဆောင်ခ ပိုမိုပေးဆောင်ရမည်ဖြစ်ပါသည်။ ကွာလာလမ်ပူ အပြည်ပြည်ဆိုင်ရာလေဆိပ် အမှတ်(၁) Kuala Lumpur International Airport 1 (KLIA1) မှ ထွက်ခွာမည့် ခရီးသွားများအားလုံးသည် ဇွန်လ ၁ ရက်နေ့မှ စပြီး ခရီးသည် ဝန်ဆောင်ခ ၇၃ ရင်းဂစ် ပေးဆောင်ရမည်။ အာဆီယံနှင့် အာဆီယံ မဟုတ်သောနိုင်ငံဟု ခွဲခြားကောက်ခံခြင်း မပြုတော့ပါ။  KLIA1 လက်ရှိနှုန်းထားမှာ အာဆီယံနိုင်ငံသို့ သွားရောက်ပါက ၃၅ ရင်းဂစ်၊ အခြားနိုင်ငံသို့ သွားရောက်ပါက ၇၃ ရင်းဂစ် ကောက်ခံသည်။ KLIA2 အတွက် နှုန်းထားအသစ်မှာ မည်သည့်နိုင်ငံသို့ သွားသည်ဖြစ်စေ ရင်းဂစ် ၅၀ ဖြစ်ပါသည်။ နှုန်းထားအသစ်သည် အာဆီယံနိုင်ငံသို့ သွားရောက်ပါက ၁၅ ရင်းဂစ် ပိုများမည်ဖြစ်ပြီး  အခြားနိုင်ငံသို့ သွားရောက်ပါက ၂၃ ရင်းဂစ် သက်သာမည် ဖြစ်သည်။ COVID-19 ကူးစက်ရောဂါလွန်ကာလ ဝန်းကျင်တွင် လေကြောင်းကဏ္ဍ ပြန်လည်နာလန်ထူမှုနှင့် လိုက်လျောညီထွေဖြစ်အောင်  ပြင်ဆင်သတ်မှတ်ထားသည့် နှုန်းထားအသစ်များဟု Mavcom ထုတ်ပြန်ချက်တွင် ဖ...

လေယာဉ်ပေါ် လိုက်ပါမည့် ခရီးသည်တဦးက လေယာဉ်အင်ဂျင်ထဲသို့ ငွေအကြွေ‌စေ့များ ပစ်ထည့်ခဲ့ပြီးနောက် China Southern Airlines က လေယာဉ်အင်ဂျင်ထဲ ငွေအကြွေ‌စေ့ ပစ်မထည့်ရန် ခရီးသည်များကို လူမှုကွန်ရက်မှတဆင့် သတိပေးထားပါသည်။   မတ်လ ၆ ရက် ဗုဒ္ဓဟူးနေ့တွင် ဟိုင်နန်ကျွန်းမှ မြို့တော် ပေကျင်းသို့ ပျံသန်းမည့် China Southern Airlines လေကြောင်းလိုင်း ခရီးစဉ်တွင် သက်ကြီးပိုင်း အမျိုးသမီးခရီးသည်တဦးက ခရီးစဉ် ကံကောင်းပါစေ ဆုတောင်းပြီး  Airbus A350 လေယာဉ်အင်ဂျင်ထဲသို့ ငွေအကြွေစေ့များ ပစ်ထည့်ခဲ့သဖြင့် လေယာဉ် ပြုပြင်ထိန်းသိမ်းရေး ဝန်ထမ်းများက ငွေအကြွေစေ့များကို အင်ဂျင်မှ ဖယ်ရှားရပြီး အင်ဂျင်ကို စစ်ဆေးခဲ့ကြရသည်။ ပြဿနာ ကင်းရှင်းကြောင်း အတည်ပြုပြီးမှ လေယာဉ် ထွက်ခွာရသဖြင့်  လေးနာရီ နောက်ကျသွားသည်။   "လေယာဉ်ကို အကြွေစေ့ဖြင့် ပစ်ခြင်း" ကဲ့သို့သော လုပ်ရပ်များသည် လေယာဉ် ထွက်ခွာ ပျံသန်းမှုကို နှောင့်နှေးစေပြီး ဘေးကင်းရေးကို အန္တရာယ် ဖြစ်စေကြောင်း ရှင်းပြထားသည့် ငါးမိနစ်စာ ဗီဒီယိုကို တရုတ်ပြည် လူမှုကွန်ရက် Weibo တွင် China Southern Airlines က တင်ပြခဲ့ရာ “ဘေးကင်းရေးကို ထိခိုက်မယ်ဆိုရင် ပြစ်ဒဏ်အမျိုးမျိ...

 အိန္ဒိယခရီးသည် Chavan Harshad Pandurang သည် လေယာဉ်မှ ဆင်းလာပြီးနောက် သုဝဏ္ဏဘူမိလေဆိပ်မှ ရဲတပ်ဖွဲထံ ၎င်း၏ Rolex နာရီနှင့် ငွေသားဒေါ်လာ ၂၈၀၀ ခိုးခံရကြောင်း တိုင်ကြားခဲ့သည်။ လေဆိပ်ရှိ ရဲတပ်ဖွဲနှင့် လုံခြုံရေး တာဝန်ရှိသူများက လုံခြုံရေးကင်မရာ မှတ်တမ်းများကို စစ်ဆေးခဲ့ပြီး အသက် ၄၈ နှစ်အရွယ် Yi Xiangyang သည် တရားခံဖြစ်ကြောင်း ယူဆကြသည်။  Mr Yi သည်  လူဝင်မှုကြီးကြပ်ရေး စစ်ဆေးမှု အပြီးတွင် ခရီးဆောင်အိတ်ကို ကောက်ယူရန် မစောင့်ဘဲ ကိုယ်နှင့်မကွာ ယူလာသည့် အိတ်တလုံးဖြင့်သာ လေဆိပ်မှ အလျင်အမြန် လေဆိပ်မှ ထွက်ခွာခဲ့သည်။   Mr Yi  တည်းခိုသည့် ဟိုတယ်ကို စုံစမ်းသိရှိပြီးနောက် ၎င်းကို ကြာသပတေးနေ့တွင် ‌၎င်းဟိုတယ်တွင် ဖမ်းဆီးခဲ့သည်။  ၎င်းအိန္ဒိယခရီးသည်နှင့် Mr Yi တိုသည်  ပြီးခဲ့သည့် ကြာသပတေးနေ့တွင် မွမ်ဘိုင်းမှ ဘန်ကောက်သို ပျံသန်းသော Vistara လေယာဉ်အမှတ် UK123 ပေါ်မှ ခရီးသည်များဖြစ်သည်။ ၎င်းသည် လေယာဉ်ပေါ် ကျူးလွန်ခဲ့သည့် ပြစ်မှု ထင်ရှားပါက ဒဏ်ငွေ ဘတ် ၂၀,၀၀၀ မှ ၁၀၀,၀၀၀ အထိ သိုမဟုတ် ထောင်ဒဏ် ၇ နှစ်အထိ သိုမဟုတ် ပြစ်ဒဏ် ၂ ရပ်စလုံး ကျခံရမည် ဖြစ်သည်။ #Guide4U To Get Instant Upda...