ဗီယက်နမ် အစိုးရဘဏ်များ ရွှေချောင်းများ အကန့်အသတ်မရှိ လက်လီရောင်းချ

 

ဗီယက်နမ်တွင် ရွှေဈေးမြင့်တက်နေခြင်းကို ထိန်းရန် နိုင်ငံပိုင်ဘဏ် ၄ ခု Agribank, BIDV, VietinBank, Vietcombank တို့သည် တနင်္လာနေ့ (ဇွန် ၃)မွန်းလွဲပိုင်းတွင် ဈေးကွက်ပေါက်နှုန်းထက် ၁.၂ ရာခိုင်နှုန်းနိမ့်သော ဈေးနှုန်းများဖြင့် လက်လီဝယ်ယူသူများထံ ရွှေချောင်းများကို စတင်ရောင်းချခဲ့သည်။

ယခင်တင်ပြချက်

https://t.me/Guid4U/19080

၎င်းဘဏ်များသည် ဗဟိုဘဏ် State Bank of Vietnam (SBV) ထံမှ ရွှေချောင်းကို ၁ တေးလ်လျှင် ဒေါင် ၇၈.၉၈ သန်း (US$3,106.39) ဖြင့် ဝယ်ယူပြီး ဒေါင် သန်း၈၀ အောက် ဈေးနှုန်းဖြင့် လက်လီရောင်းချပေးသည်။

ပြင်ပပေါက်ဈေးမှာ ဒေါင် ၈၁ သန်း ဖြစ်ပါသည်။

၎င်းဘဏ်များကို ဒေါင် ၁ သန်းထက် ကျော်လွန်ပြီး ဈေးတင်မရောင်းရဟု ညွှန်ကြားထားသည်။

လက်လီဝယ်ယူသူ တဦးချင်းကို အကန့်အသတ်မရှိ ရောင်းချခွင့် ရှိသော်လည်း အဖွဲ့အစည်းများ၊ လုပ်ငန်းများကို ရောင်းချခွင့် မပြုပါ။

ဗီယက်နမ်ရွှေဈေးသည် ပြီးခဲ့သည့်အပတ်က ကမ္ဘာ့ရွှေဈေးထက် ၂၃% ပိုများနေခဲ့ရာမှ ယခုအခါ ၁၃% သာ ပိုများ‌တော့သည်အထိ လျော့ကျလာသည်။

ဗီယက်နမ်တွင် စံထားသည့် ရွှေချောင်း ဖြစ်သော SJC ရွှေချောင်းဈေးသည် မေလ ၁၀ ရက်တွင် ဒေါင် ၉၂ သန်း (US$3,619.91)အထိ မြင့်တက်ခဲ့ပြီး ဇွန် ၃ တွင် ဒေါင် ၈၁ သန်းသို့ ကျဆင်းသည်။ 

(၁ တေးလ်=၃၇.၅ဂရမ်=၁.၂အောင်စ)

SJC ရွှေချောင်းအကြောင်း အကျဉ်းချုပ် တင်ပြချက်

https://t.me/Guid4U/19038