2026 graduate Global Korea Scholarship (GKS) အတွက် လျှောက်လွှာလမ်းညွှန်ချက်များ

 ကိုရီးယားမှ အမျိုးသား နိုင်ငံတကာပညာရေးအင်စတီကျု National Institute for International Education (Niied) သည် 2026 graduate Global Korea Scholarship (GKS) အတွက် လျှောက်လွှာလမ်းညွှန်ချက်များကို ကြေညာခဲ့သည်။

  

Niied သည် ယခုနှစ်တွင် GKS ဘွဲ့ပညာသင် ၂၀၀၀ ကို ရွေးချယ်မည်ဖြစ်သည်။

၂၀၂၅ ခုနှစ်တွင် ၁၈၂၀ ဦး လက်ခံခဲ့သည်ထက် ပိုများသည်။ 

လက်ခံမည့် စုစုပေါင်း ဦးရေ တိုးထားပြီး R&D ပရိုဂရမ်များကို ပိုမိုအလေးပေးထားပါသည်။

GKSသည် ကိုရီးယားအစိုးရမှ ပေးအပ်သော ပညာသင်ဆုဖြစ်ပြီး ပညာသင်ကြေးအပြည့်အစုံ၊ လစဉ်ထောက်ပံ့ကြေး၊ ဘာသာစကား သင်ယူလေ့လာမှု ထောက်ပံ့ကြေး၊ ကျန်းမာရေး အာမခံကြေးနှင့် အသွားအပြန် လေယာဉ်လက်မှတ်ခများ ထောက်ပံ့ပေးပါသည်။

အရည်အချင်းပြည့်မီရန်မှာ—

• လျှောက်ထားသူများနှင့် ၎င်းတို့၏မိဘများသည် ကိုရီးယားနိုင်ငံသားမဟုတ်သူများဖြစ်ရမည်၊ 

• လျှောက်ထားသူများသည် အသက် ၄၀ နှစ်အောက်ရှိရမည်

• ပညာရေးတွင် စုစုပေါင်းအဆင့်ပျမ်းမျှ ၈၀%နှင့်အထက် ရရှိထားရမည်

• မဟာဘွဲ့ပရိုဂရမ်များအတွက် လျှောက်ထားသူများသည် ဘွဲ့ရရှိထားရမည် သို့မဟုတ် ဇူလိုင်လ ၃၁ ရက်နေ့တွင် ဘွဲ့ရရှိထားမည့်သူ ဖြစ်ရမည်

• ပါရဂူဘွဲ့လျှောက်ထားသူများသည် မဟာဘွဲ့ရရှိထားရမည် သို့မဟုတ် ဇူလိုင်လ ၃၁ ရက်နေ့တွင် မဟာဘွဲ့ ရရှိထားမည့်သူ ဖြစ်ရမည်

ကျောင်းသားများသည် GKS သို့ လမ်းကြောင်းနှစ်ခုမှတစ်ဆင့် လျှောက်ထားနိုင်သည်- • နိုင်ငံတစ်ခုစီအတွက် ခွဲတမ်းရှိပြီး ကျောင်းသားများအား တက္ကသိုလ်သုံးခုသို့ လျှောက်ထားခွင့်ပြုသည့် Embassy Track

• ကျောင်းသားများအား ၎င်းတို့ရွေးချယ်ထားသော တက္ကသိုလ်တစ်ခုတည်းသို့ လျှောက်ထားခွင့်ပြုသည့် University Track 

Embassy Track အတွက် လျှောက်လွှာများကို ဖေဖော်ဝါရီ ၁၂ ရက်မှ ၂၅ ရက်အထိ Niied ၏ Study in Korea ဝက်ဘ်ဆိုက်မှတစ်ဆင့် လက်ခံမည်ဖြစ်သည်။

 

မြန်မာနိုင်ငံအတွက် ခွဲတမ်း ၅ ဦး ပေးထားသည်။

၎င်းပရိုဂရမ်နှင့် အခြား GKS ပရိုဂရမ်များအတွက် လျှောက်လွှာကာလမှာ ၂၀၂၆ ခုနှစ် ဖေဖော်ဝါရီလ ၁၂ ရက်မှ ၂၅ ရက်အထိဖြစ်သည်။ 

လျှောက်လွှာများကို Study in Korea ဝက်ဘ်ဆိုက်မှတစ်ဆင့် ဒစ်ဂျစ်တယ်နည်းပညာဖြင့် တင်သွင်းရမည်ဖြစ်ပြီး ရလဒ်များကို မတ်လတွင် ကြေညာမည်ဖြစ်သည်။

ခွဲတမ်း ၅ ဦး (သံရုံးလမ်းကြောင်း)

လျှောက်လွှာကာလ ဖေဖော်ဝါရီ ၁၂ ရက် (KST ၁၁:၀၀) မှ ဖေဖော်ဝါရီ ၂၅ ရက် (KST ၁၈:၀၀) အထိ။

လျှောက်ထားရမည့်နည်းလမ်း Study in Korea ဝက်ဘ်ဆိုက်မှတစ်ဆင့် အွန်လိုင်းမှ တင်သွင်းပါ။

ကြေညာမည့် ရက်စွဲများ—

စာရွက်စာတမ်းစိစစ်ခြင်း ဆန်ကာတင်စာရင်း  

မတ်လ ၆ ရက်၊ ၂၀၂၆

နောက်ဆုံး ရွေးချယ်ခံသူများ

မတ်လ ၁၆ ရက်၊ ၂၀၂၆။

University Track လျှောက်လွှာများကို လျှောက်ထားသူ လျှောက်ထားသည့် တက္ကသိုလ်မှ လက်ခံပါသည်။ 

လျှောက်လွှာပိတ်ရက်များသည် တက္ကသိုလ်တစ်ခုနှင့်တစ်ခု မတူညီသော်လည်း ယေဘုယျအားဖြင့် ဧပြီလအထိ လက်ခံပါသည်။

GKS သည် အလွန်ရေပန်းစားသော ပညာသင်ဆုတစ်ခုဖြစ်သဖြင့် လျှောက်ထားသူဦးရေ များပြားလေ့ရှိပါသည်။

Embassy Track

ဘွဲ့သင်တန်း GKS အတွက် Embassy Track ခွဲတမ်းကို ယခင်နှစ်က ၇၂၀ သတ်မှတ်ခဲ့ပြီး ယခုနှစ်တွင် ၈၀၀ သတ်မှတ်ထားသည်။

နိုင်ငံအနေဖြင့် ယခင်နှစ်က နိုင်ငံနှင့် ဒေသ ၁၄၆ ခုတို့မှ လျှောက်ထားနိုင်ပြီး ယခုနှစ်တွင် ၁၄၃ ခုမှ လျှောက်ထားနိုင်သည်။

ကျူးဘား၊ လူဇင်ဘတ်၊ မော်ရီတေးနီးယား၊ ဆူဒန်နှင့် ယူကရိန်းတို့ကို စာရင်းတွင် ထည့်သွင်းခဲ့ပြီး ရှစ်နိုင်ငံဖြစ်သည့် အန်တီဂွါနှင့် ဘာဘူဒါ၊ ဘာကီနာဖာဆို၊ ဒိုမီနီကာ၊ ဂမ်ဘီယာ၊ ဂရီနေဒါ၊ နိုင်ဂျာ၊ စိန့်ကစ်နှင့် နီဗစ်နှင့် စိန့်လူစီယာတို့ကို ချန်လှပ်ထားခဲ့သည်။

ဗီယက်နမ်နှင့် အင်ဒိုနီးရှားတို့သည် နေရာသုံးခုစီ ထပ်တိုး ရရှိခဲ့ပြီး ၎င်းတို့၏ ခွဲတမ်းသည် ၃၃ ခုအထိ ရှိလာခဲ့သည်။ 

တူရကီသည် နောက်ထပ်နေရာသုံးခု ရရှိခဲ့ပြီး စုစုပေါင်း ၁၁ ခုအထိ ရှိလာသည်။

အီတလီသည် နောက်ထပ်နေရာသုံးခု ရရှိခဲ့ပြီး စုစုပေါင်း ၁၀ ခုအထိ ရှိလာသည်။

အချို့နိုင်ငံများတွင် ခွဲတမ်း လျော့ကျသည်။

လက်ဘနွန်သည် သုံးနေရာမှ တစ်နေရာသို့ ကျဆင်းသွားသည်။

ဂျမေကာသည် သုံးနေရာမှ နှစ်နေရာသို့ ကျဆင်းသွားသည်။

ဂိုင်ယာနာသည် သည် နှစ်နေရာမှ တစ်နေရာသို့ ကျဆင်းသွားသည်။ 

University Track

 University Track ခွဲတမ်းကို ယခင်နှစ်က ၁,၁၀၀ သတ်မှတ်ခဲ့ပြီး ယခုနှစ်တွင် ၁,၂၀၀ သတ်မှတ်ထားသည်။

ထင်ရှားသော ပြောင်းလဲမှုတစ်ခုမှာ R&D အစီအစဉ်များကို အလေးပေးခြင်းဖြစ်သည်။

 University Track လျှောက်ထားသူများသည် ၎င်းတို့ရွေးချယ်ထားသော တက္ကသိုလ်ရှိ မည်သည့်မေဂျာကိုမဆို ယေဘုယျအားဖြင့် လျှောက်ထားနိုင်သော်လည်း၊ ပညာရေးနှင့် အဓိကထားသည့် အထူးပြုပရိုဂရမ်များလည်း ရှိပါသည်။ ခွဲတမ်းများ သတ်မှတ်ထားပါသည်။

University Track ၏ စုစုပေါင်း ခွဲတမ်း ၁၂၀၀ တွင် ၄၀၃ နေရာသည် R&D ပရိုဂရမ်အတွက် သီးသန့်ထားရှိသည်။ 

လျှောက်ထားသည့် တက္ကသိုလ်၏ ပရိုဂရမ်ကို လျှောက်ထားနိုင်ပါသည်။

၂၀၂၅ တွင် ၃၀၀ ဦး လက်ခံခဲ့ပြီး ယခုနှစ်တွင် ၄၀၃ ဦး လက်ခံမည် ဖြစ်သည်။

အဓိက ဘာသာရပ် ကန့်သတ်ချက် မရှိဘဲ နိုင်ငံတကာအဖွဲ့အစည်းများမှ အကြံပြုထားသော လျှောက်ထားသူများအတွက်ဖြစ်သည့် နိုင်ငံတကာအဖွဲ့အစည်းအစီအစဉ်အတွက် ခွဲတမ်းကို ၁၀၀ မှ ၇၂ သို့ လျှော့ချထားပါသည်။

ဒေသတွင်း တက္ကသိုလ်များအတွက် R-GKS အစီအစဉ် ခွဲတမ်းတွင် ၁၅ ဦး တိုးသည်။ 

အထွေထွေ လမ်းကြောင်း ခွဲတမ်းတွင် ၁၀ ဦး တိုးသည်။

သုတေသနကျောင်းသားများအတွက် ဖြစ်သည့် သုတေသနအစီအစဉ်အတွက်နှင့် ကမ္ဘာလုံးဆိုင်ရာ ပူးပေါင်းဆောင်ရွက်မှု အစီအစဉ်များအတွက် Global Network အစီအစဉ်များအတွက် ခွဲတမ်းမှာ ယခင်နှစ်နှင့် ယခုနှစ် ဦးရေ အတူတူပင်ဖြစ်သည်။

GKS လျှောက်ထားသူများသည် စုစုပေါင်း တက္ကသိုလ် ၇၆ ခုတွင် လျှောက်ထားနိုင်ပြီး Type A တက္ကသိုလ် ၃၅ ခုနှင့် Type B တက္ကသိုလ် ၄၁ ခုတို့ ပါဝင်သည်။

ယေဘုယျအားဖြင့် ဆိုးလ်အခြေစိုက် တက္ကသိုလ်များနှင့် သိပ္ပံနှင့် နည်းပညာဌာနများကို အမျိုးအစား A အဖြစ် သတ်မှတ်ထားပြီး ဆိုးလ်ပြင်ပရှိ တက္ကသိုလ်များကို အမျိုးအစား B အဖြစ် သတ်မှတ်ထားသည်။

 

Embassy Track လျှောက်ထားသူများသည် တက္ကသိုလ်သုံးခုကို ရွေးချယ်ရမည်ဖြစ်ရာ၌ ၎င်းတို့အနက် နှစ်ခုမှာ Type A နှင့် ကျန်တစ်ခုမှာ Type B ဖြစ်ကို ဖြစ်ရမည်။

University Track အရ လျှောက်ထားသူများသည် အမျိုးအစား A သို့မဟုတ် B သတ်မှတ်ချက် မခွဲခြားဘဲ တက္ကသိုလ်တစ်ခုကို ရွေးချယ်နိုင်သော်လည်း R-GKS လျှောက်ထားသူများသည် အမျိုးအစား B တက္ကသိုလ်များအတွက်သာဟု ကန့်သတ်ထားသည်။

GKS တွင် အကျုံးဝင်သည့် တက္ကသိုလ်များ အပြောင်းအလဲ ရှိပါသည်။

Type A တွင် Daegu Gyeongbuk Institute of Science and Technology, Sejong University, the National Cancer Center Graduate School of Cancer Science တို့ ယခုနှစ်တွင် ထပ်တိုး ပါဝင်လာသည်။

Tech University of Korea မပါတော့ချေ။

Type B တွင် တက္ကသိုလ် အရေအတွက် ယခင်အတိုင်း ဖြစ်သော်လည်း ပါဝင်သည့်တက္ကသိုလ် အပြောင်းအလဲ အနည်းငယ် ရှိသည်။

Baekseok University, Kyungwoon University, Tongmyong University , Wonkwang University တို့ ပါဝင်လာသည်။

Daegu Catholic University, Gangneung-Wonju National University, Kumoh National Instit

ute of Technology, National Korea Maritime & Ocean University တို့ မပါတော့ချေ။

#EducationIndustryGuide