ကမ္ဘာ့အချမ်းသာဆုံး ဘီလျံနာများ

Tesla စတော့ရှယ်ယာများ မြင့်တက်လာမှုနှင့် SpaceX ၏ တန်ဖိုးမြှင့်တက်လာမှုကြောင့် အီလွန်မတ်စ်သည် တရုတ်အခြေစိုက် မီဒီယာနှင့် သုတေသနကုမ္ပဏီ Hurun ထံမှ နှစ်ပတ်လည် စစ်တမ်းတစ်ခုဖြစ်သည့် 13th Hurun Global Rich Report ၏ ဘီလျံနာများ စာရင်းမှ နှစ်စဉ် ဘီလီယံနာအဆင့်တွင် ကမ္ဘာ့အချမ်းသာဆုံးပုဂ္ဂိုလ်အဖြစ် ပြန်လည်ရရှိခဲ့သည်။ 

မတ်စ်သည် ၄ နှစ်တာအတွင်း နံပါတ် (၁) နေရာကို ၃ ကြိမ်တိုင်တိုင် ရရှိထားသည်။

မတ်စ်၏ ကန်ဒေါ်လာ ၂၃၁ ဘီလီယံ ချမ်းသာကြွယ်ဝမှုသည် Amazon အမှုဆောင်ဥက္ကဋ္ဌ Jeff Bezos (အမေရိကန်ဒေါ်လာ ၁၈၅ ဘီလီယံ) နှင့် LVMH အမှုဆောင်အရာရှိချုပ် Bernard Arnault (အမေရိကန်ဒေါ်လာ ၁၇၅ ဘီလီယံ) တို့ထက် သာလွန်ခဲ့သည်။

Jeff Bezos က ကမ္ဘာ့ ဒုတိယအချမ်းသာဆုံးနှင့် Bernard Arnault က ကမ္ဘာ့ တတိယအချမ်းသာဆုံး အဆင့် အသီးသီး ရရှိကြသည်။ 

Meta Platforms Inc. ၏ စီအီးအို မတ် ဇပ်ကာဘတ်  (အမေရိကန်ဒေါ်လာ ၁၅၈ ဘီလီယံ) သည် ထိပ်တန်း (၁၀) စာရင်းထဲ စတင် ဝင်ရောက်လာရာ နံပါတ် (၄) နေရာကို ရရှိသည်။

• လျှမ်းလျှမ်းတောက် အောင်မြင်နေသော အဆိုတော် တေလာဆွစ်ဖ်သည် ဘီလျံနာစာရင်းတွင် ပထမဆုံးအကြိမ်အဖြစ် ပါဝင်လာသည်။ သူမသည့် ကန်ဒေါ်လာ ၁.၂ ဘီလီယံ ချမ်းသာကြွယ်ဝသည်ဟု ခန့်မှန်းထားသည်။  သူမ၏ Eras Tour နှင့် သူမ၏ ဂီတအယ်လ်ဘမ်များ ပြန်လည်ထုတ်လုပ်ခြင်းများမှ အခကြေးငွေများ သောက်သောက်လဲ ရရှိနေသည်။

• မိုင်ယာမီအခြေစိုက် စွန့်ဦးတီထွင်သူ အသက် ၃၀ နှစ်အရွယ် Ryan Breslow (အမေရိကန်ဒေါ်လာ ၁.၃ ဘီလီယံ)သည် fintech ပလက်ဖောင်း Bolt ၏ ဥက္ကဋ္ဌဖြစ်ပြီး ယခုနှစ်တွင် ၎င်း၏ အသက်အငယ်ဆုံး ကိုယ်ထူးကိုယ်ချွန် ဘီလျံနာဖြစ်လာသူအဖြစ်  မှတ်တမ်းဝင်သည်။

• စာရင်းပါ ဘီလျံနာတို့၏ ပျမ်းမျှအသက်မှာ ၆၆ နှစ် ဖြစ်သည်။

• အသက် ၄၀ နှစ်န‌ှင့်အောက် ဘီလျံနာ ၉၃ ဦး ပါသည်။ 

• ယခုစာရင်းတွင် ဘီလျံနာ ၃,၂၇၉ ဦး ပါသည်။ ယမန်နှစ်က ၃,၁၁၂ ဦး ပါသည်။ ဘီလျံနာ ဦးရေ ၅% တိုးသည်။ ၎င်းတို့၏ စုစုပေါင်း ချမ်းသာကြွယ်ဝမှု ၉% တိုးသည်ဟု Hurun ၏ သတင်းထုတ်ပြန်ချက်တွင် ဖော်ပြထားသည်။

• စာရင်းမှ ချမ်းသာကြွယ်ဝမှုများသည် ယခုနှစ် ဇန်နဝါရီလ ၁၅ ရက်အတွက် ဖြစ်သည်။ 

• စာရင်းတွင် ထက်ဝက်ကျော်သည် ဉာဏ်ရည်တု AI ဖြင့် ချမ်းသာကြွယ်ဝမှု တိုးခဲ့ကြသည်။

• စာရင်းပါ ဘီလျံနာ ၁,၃၄၆ ဦးသည် ချမ်းသာကြွယ်ဝမှု လျော့ကျခဲ့သည်။ ၂၇၈ ဦးသည် ဘီလျံနာ စာရင်းတွင် မပါတော့ချေ။

Source Hurun