အီးဗီအတွက် တိုယိုတာ ထပ်မံမြှုပ်နှံ
Toyota Motor Corp သည် အမေရိကန် အင်ဒီယားနားရှိ ၎င်း၏ Princeton စက်ရုံတွင် ထိုင်ခုံ ၃ တန်းပါ အီးဗီ SUV မော်ဒယ် ထုတ်လုပ်ရန် ကန်ဒေါ်လာ ၁.၄ ဘီလီယံ ရင်းနှီးမြှုပ်နှံမည်ဟု ပြောကြားသည်။
အင်ဒီယားနားတွင် တိုယိုတာ၏ စုစုပေါင်းရင်းနှီးမြှုပ်နှံမှုကို ကန်ဒေါ်လာ ၈ ဘီလီယံအထိ ရှိလာမည် ဖြစ်ပြီး အလုပ်အကိုင်အသစ် ၃၅၀ ဖန်တီးပေးမည် ဖြစ်သည်။
ပြီးခဲ့သည့် ဖေဖော်ဝါရီလတွင် တိုယိုတာက ကင်တပ်ကီပြည်နယ်ရှိ ၎င်း၏ စက်ရုံကို အီးဗီမော်ဒယ်များ ထုတ်လုပ်နိုင်ရန် ကန်ဒေါ်လာ ၁.၃ ဘီလီယံ ရင်းနှီးမြှုပ်နှံမည်ဟု ပြောကြားခဲ့သည်။ ၎င်းစက်ရုံတွင်လည်း အမေရိကန်အတွက် ထိုင်ခုံ ၃ တန်းပါ အီးဗီ SUV မော်ဒယ် ထုတ်လုပ်မည် ဖြစ်သည်။
၎င်းစက်ရုံတွင် မြောက်ကာရိုလိုင်းနားရှိ တိုယိုတာ၏စက်ရုံမှ ထုတ်လုပ်သော လစ်သီယမ်-အိုင်းယွန်းဘက်ထရီများကို အီးဗီအတွက် ဘက်ထရီထုပ်များ ထုပ်ပိုးထုတ်လုပ်မည်။
Source Reuters
Comments
Post a Comment