ဗီယက်နမ်ဘီလျံနာ ဖန့်ညပ်ဗွန် VinFast တွင် သူ့ကိုယ်ပိုင်ငွေ ကန်ဒေါ်လာ ၁ ဘီလီယံ ထပ်မံရင်းနှီးမြုပ်နှံရန် စီစဉ်
ဗီယက်နမ်ဘီလျံနာ ဖန့်ညပ်ဗွန် Pham Nhat Vuong က Nasdaq စတော့အိတ်ချိန်း စာရင်းဝင် လျှပ်စစ်ကားထုတ်လုပ်ရေးလုပ်ငန်း VinFast တွင် သူ့ကိုယ်ပိုင်ငွေ ကန်ဒေါ်လာ ၁ ဘီလီယံ ထပ်မံရင်းနှီးမြုပ်နှံရန် စီစဉ်ထားကြောင်း ပြောကြားသည်။
"ကျွန်တော့ ကိုယ်ပိုင်အိတ်ထောင်ထဲမှ ဒေါ်လာ ၁ ဘီလီယံ ဗင်ဖတ်စ်ကို ပေးဖို ကျွန်တော် စီစဉ်နေတယ်" ဟု ဗွန်က ပြောကြားသည်။
သူထိန်းချုပ်ထားသည့် အခြားကုမ္ပဏီများကို စတော့အိပ်ချိန်း စာရင်းဝင်အဖြစ် ပြောင်းလဲကာ ရှယ်ယာများ ရောင်းချပြီး အရင်းအနှီးငွေ ရှာယူမည်ဟု ဆိုသည်။
သူသည် ဗီယက်နမ်မှ ကုမ္ပဏီစုကြီး Vingroup တွင် ၁၈% တိုက်ရိုက်ပိုင်ဆိုင်ပြီး ဥက္ကဋ္ဌတာဝန် ယူထားသည်။
ဗင်ဖတ်စ်သည် အရှုးပြနေဆဲ အခြေအနေတွင်သာ ရှိနေပြီး ဗွန်နှင့် Vingroup တိုသည် ဗင်ဖတ်စ်တွင် ကန်ဒေါ်လာ ၁၁.၄ ဘီလီယံ သွန်ထည့်ထားသည်။
ဗွန်သည် ဗင်ဖတ်စ်တွင် စီးအီးအို ရာထူးကို ပြန်လည် ရယူထားသည်။ ဗင်ဖတ်စ်တွင် ရှယ်ယာ ၉၇%ကို တိုက်ရိုက်နှင့် သူပိုင်ဆိုင်သည့် ကုမ္ပဏီများမှတဆင့် ပိုင်ဆိုင်ထားသည်။
“လျှပ်စစ်ကားစျေးကွက်က အင်ဂျင်ကားတွေကို ကျော်လွန်သွားလိမ့်မယ်။ ဗင်ဖတ်စ်ကို ကျွန်တော် လက်လျှော့မှာ မဟုတ်ပါဘူး" ဟု ၎င်းက ပြောကြားသည်။
Source Reuters
Comments
Post a Comment